Foto: Plenty
Plenty Richmond fermasi AQSHning Richmond shahrida joylashgan. Uning asoschilari bu fermani “yopiq binolarda vertikal dehqonchilik usuli orqali katta miqyosda rezavor mevalar yetishtiradigan dunyodagi birinchi ferma” deb ta’riflashmoqda. New Atlas nashri xabar berishicha, bu loyiha xalqaro olimlar guruhi tomonidan qo‘llab-quvvatlanmoqda.
Fermada taxminan 1,8 million kilogramm qulupnay yetishtirish mumkin. Bunda, mevalar yotiq emas, balki tik shaklda o‘stiriladi — ular 30 metr balandlikdagi minoralarning ichiga joylashtirilgan. Ferma qulupnaylarni Driscoll's kompaniyasi uchun yetishtirmoqda. Bu mahsulot 2025 yilning boshlarida oziq-ovqat do‘konlari peshtaxtalarida paydo bo‘ladi.
Ilgari tijorat maqsadidagi vertikal dehqonchilik asosan salat uchun o‘simliklar yetishtirish bilangina cheklanardi. Plenty Richmond kompaniyasining yangi texnologik yutuqlari tufayli vertikal usulda o‘stirish mumkin bo‘lgan ekinlar doirasi kengaydi.
Qulupnay harorat, yorug‘lik va namlik nazorati ostidagi 12 ta xonaga joylashtirilgan. Changlanish jarayoni asalarilar bilan changlanishga nisbatan samaraliroq bo‘lishi uchun maxsus loyihalashtirilgan. Kompaniyadagilarning fikricha, bunday yechim mevalarning bir xil o‘lchamda bo‘lishi ehtimolini oshiradi va chiqindilarni kamaytiradi.
Birinchi vertikal fermaning ochilishi vertikal dehqonchilikning afzalliklari bo‘yicha ko‘p yillik ilmiy tadqiqotlar cho‘qqisi bo‘ldi. Unda Kvinslend universiteti, Makkuori universiteti, Vageningen universiteti, Florida universiteti, Bask davlati universiteti, CAS o‘simliklar bo‘yicha molekular fanlar ilg‘or tajriba markazi, Shanxay o‘simliklar fiziologiyasi va ekologiyasi instituti olimlaridan iborat xalqaro jamoa ishtirok etdi.
Richmonddagi fermada an’anaviy dehqonchilikka qaraganda 97 foiz kamroq yer va 90 foizgacha kamroq suv ishlatiladi. Pestitsidlardan foydalanish istisno qilingan, boshqariladigan muhit va qisqaroq ta’minot zanjiri esa qishloq xo‘jaligi ekinlarini patogenlar bilan zararlash xavfini kamaytiradi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Xalqaro jinoyat sudi Isroil bosh vaziri Netanyaxuni hibsga olishga order berdi
Turkiya o‘zining birinchi kvant kompyuterini taqdim etdi
Josep Borrel: “Xalqaro jinoyat sudining Netanyaxuni hibsga olish bo‘yicha qarori ijro etilishi shart”
Metabolizm sekinlashganining belgilari
Husiylar Isroil aviabazasiga gipertovushli raketa bilan zarba berdi
Superliga. OKMK safarda "Paxtakor"ni mag‘lub etdi va 11 yillik qora an’anaga chek qo‘ydi
Har payshanba jismoniy tarbiya va sport kuni sifatida belgilanadi
