NATO bosh kotibi: “Alyansning yangi qoʻmondonligi Ukrainadagi mojaroning borishiga ta'sir oʻtkaza oladi”

^{Foto: “Rbc.ua”}
NATO bosh kotibi Mark Ryutte Germaniyaning Visbaden shahrida Ukraina harbiylarini Xavfsizlikka koʻmaklashish va tayyorlash boʻyicha alyansning (NSATU) yangi qoʻmondonligiga tashrif buyurdi. Uning soʻzlariga koʻra, yangi qoʻmondonlik Ukraina uchun muhim ahamiyatga ega boʻladi.

NATO saytidagi xabarda aytilishicha, qoʻmondonlik Ukrainaga harbiy yordam etkazilishini muvofiqlashtiradi. Alyansning sharqiy qanotidagi Visbaden bazasi va logistika markazlari 700 nafar xodimni tayyorlaydi.

NSATU qoʻmondonligini yaratish toʻgʻrisidagi qaror iyul oyida boʻlib oʻtgan NATO sammitidan soʻng qabul qilingan. Bungacha qurol-yarogʻ etkazib berishni muvofiqlashtirish AQSh moliya vazirligi boshchiligidagi guruh tomonidan amalga oshirilgan.

Avvalroq NATO bosh kotibi Mark Ryutte Rossiya alyansni qoʻrqita olmasligini aytib oʻtgandi.

2024 yil oktyabrida NATO boshqaruvini qoʻlga olgan Ryutte Kievning NATO boʻyicha ittifoqchilari mojaroda “Rossiya prezidenti Vladimir Putin oʻz maqsadlariga erishmasligi va Ukraina gʻalaba qozonishi” uchun qoʻlidan kelganicha harakat qilishini ma'lum qildi. “Zamin” yangiliklarini “Telegram”da kuzatib boring