Evropa Ittifoqi va Fors koʻrfazi davlatlari Ukraina boʻyicha bayonot berdi

^{Foto: Johanna Geron/REUTERS}
16 oktyabr, chorshanba kuni Bryusselda boʻlib oʻtgan Evropa Ittifoqi va Fors koʻrfazi davlatlarining birinchi sammitida etakchilar yakuniy kommyunike doirasida Ukraina boʻyicha umumiy bayonotni shakllantirishga muvaffaq boʻldi. Unda ular Ukrainaning xalqaro miqyosda tan olingan chegaralari, jumladan, Ukraina hududiy suvlari doirasidagi suvereniteti, mustaqilligi, birligi va hududiy yaxlitligiga sodiq ekanliklarini tasdiqladilar, shuningdek, «tinch aholiga, fuqarolik va muhim infratuzilmaga, ayniqsa energetika sektoriga qarshi hujumlarni qoraladilar». «Barcha atom elektr stantsiyalarining xavfsizligi va ishonchliligi katta ahamiyatga ega», — deyiladi hujjatda.

Kommyunikeda Rossiyaning Ukrainadagi tajovuzkorligi toʻgʻridan toʻgʻri qoralanmagan, ammo BMT Bosh Assambleyasining tegishli rezolyutsiyasiga ishora qilingan, unda «Rossiya Federatsiyasining Ukrainaga Nizom 2-moddasini buzgan holda sodir etilgan tajovuzkorligi keskin qoralanishi» bildiriladi va «Rossiya Federatsiyasidan oʻzining xalqaro tan olingan chegaralari doirasida Ukraina hududidan barcha qurolli kuchlarini zudlik bilan, toʻliq va soʻzsiz olib chiqib ketish» talab qilinadi.

«BMT Nizomiga muvofiq, barcha davlatlar har qanday davlatning hududiy yaxlitligi va suvereniteti yoki siyosiy mustaqilligiga qarshi hududiy ekspansiya maqsadida kuch ishlatish bilan tahdid qilish yoki kuch ishlatishdan tiyilishi kerak», — deyiladi hujjatda.

Zelenskiy EI sammitida «gʻalaba rejasi»ni taqdim etishga taklif qilindi

Evropa kengashi rahbari Sharl Mishel Ukraina prezidenti Volodimir Zelenskiyni 17 oktyabr kuni boʻlib oʻtadigan EI sammitida ishtirok etishga taklif qildi. Bu haqda evropalik siyosatchi 15 oktyabr kuni X ijtimoiy tarmogʻidagi akkauntida yozgan.

«Men prezident Zelenskiyni Evropa kengashi sammitiga taklif qildim, u Rossiyaning Ukrainaga qarshi urushidagi soʻnggi voqealarni baholab, gʻalabaga erishish rejasini taqdim etishi mumkin», — deyiladi Mishel postida. “Zamin” yangiliklarini “Telegram”da kuzatib boring