Foto: Al Arabiya
Isroillik siyosatchi va parlament a’zosi “Isroil — bizning uyimiz” o‘ng qanot partiyasi rahbari Avigdor Liberman Livanning “Hizbulloh” harakati va Falastinning HAMAS harakati rahbarlarining yo‘q qilinishi fonida navbat Eronga kelganini ma’lum qildi.
“Biz 'Hizbulloh' yetakchisi Nasrullohga, HAMAS rahbari Sinvarga g‘amxo‘rlik qildik, endi ilonning boshi – Eronga g‘amxo‘rlik qilish vaqti keldi”, deb yozdi siyosatchi X ijtimoiy tarmog‘ida.
Isroil mudofaa kuchlari Isroilga 2023 yil 7 oktyabrda qilingan hujumning asosiy tashkilotchisi hisoblangan Sinvar G‘azoda isroillik harbiylar tomonidan o‘ldirilganini rasman e’lon qildi. Harbiylarga ko‘ra, Sinvar 16 oktyabr kuni yo‘q qilingan.
HAMAS harakatining G‘azodagi tashqi aloqalar bo‘limi rahbari Bassem Naim ham guruh yetakchisi Yahyo Sinvarning o‘limini tasdiqladi.
Sentyabr oyi oxirida Isroil havo kuchlari Bayrutning janubiy chekkasida joylashgan “Hizbulloh” qarorgohiga bunkerli bombalarni tashlab Nasrullohni yo‘q qilgan.
1 oktyabr kuni Eron Isroilga tarixda ikkinchi marta yirik raketa zarbalari bergan. Isroil rahbariyati bu hujumga javob qaytarishga va’da bergan. Avvalroq CNN nashri Isroil hukumati Eronning mazkur raketa hujumiga javob choralari ko‘rish rejasini ishlab chiqishni yakunlagani haqida xabar bergan edi. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Vladimir Putin tibbiy tekshiruvdan o‘tmoqda...
Eron BMTni Isroilning mintaqadagi tajovuzini to‘xtatishga chaqirdi
Davlat dumasi isyon uchun umrbod qamoq jazosini birinchi o‘qishda ma’qulladi
Maduro Ilon Maskni Venesuelada davlat to‘ntarishiga urinishda aybladi
Isroil rasmiylari Eronga hujum qilish usuli va vaqtini kelishib oldi
“Muhtasham yuz yil”dagi eng katta yolg‘on: Xurram sulton va Ibrohim o‘rtasidagi munosabatlar aslida qanday edi?
JCH-2026 saralashi. Qirg‘iz Respublikasi KXDRni mag‘lubiyatga uchratdi
Tarixiy g‘alaba qo‘lga kiritilgan, "oq bo‘rilar"ning ovi baroridan kelgan O‘zbekiston - BAA bahsidan 10 ta fakt