“Hizbulloh” dronlaridan biri Netanyahuning uyini nishonga oldi

^{Foto: Jack GUEZ / AFP}
19 oktyabr kuni erta tongda “Hizbulloh” harakati Livandan uchirgan 3 ta dronning 2 tasi Isroil armiyasi tomonidan urib tushirilgan. 1 ta dron Isroilning Oʻrta er dengizi sohilida joylashgan Kesariya shahriga uchib kelgan. Portlagan uchuvchisiz qurilma bosh vazir Binyamin Netanyahuning shaxsiy uyini nishonga olgan.

Bosh vazir ofisining xabariga koʻra, Netanyahu va uning rafiqasi bu vaqtda uyda boʻlmagan. Jabrlanganlar haqida xabar berilmagan, rezidentsiyaga qanchalik zarar etgani haqida aniq ma'lumotlar yoʻq.

Ma'lum qilinishicha, Isroilning koʻplab millionerlari va siyosatchilar yashaydigan bu hududda havo hujumidan ogohlantiruvchi sirenalar yangramagan. lekin, uninga qoʻshni rayonlardan sirena chalingan.

“Hizbulloh” xavfni aniqlashni qiyinlashtirish va chalgʻitish uchun birdaniga bir nechta hududlarga dron bilan hujum qilmoqda.

Al-Jazeera nashriga koʻra, dronga qulagan hudud harbiylar tomonidan oʻrab olingan va ma'lumotlarni tarqatish uchun jiddiy tsenzura qoʻllanilmoqda.

Isroil Mudofaa vazirligi Livandan uchirilgan dron tufayli oʻz ogohlantirish tizimining bir nechta nosozliklarni aniqlagan. Shuningdek, voqea xavfsizlik tizimida “oʻta jiddiy xatolik” sifatida koʻrilib, tergov jarayonlari boshlangan. “Zamin” yangiliklarini “Telegram”da kuzatib boring