Foto: Reuters
Isroil armiyasi Livanda “Hizbulloh” guruhiga aloqador “Al-Qard Al-Hassan” moliyaviy uyushmasi bo‘linmalariga zarba berganini ma’lum qildi. Portlashlar Livanning yagona tijorat aeroporti yaqinida ham sodir bo‘ldi. Bu haqda The Times of Israel xabar berdi.
Xabarga ko‘ra, ushbu moliyaviy muassasalar “Hizbulloh” va HAMAS guruhlarini qo‘llab-quvvatlovchi Erondan mablag‘ oladi. Livan Milliy axborot agentligi Bayrutning janubiy chekkalariga 11 ta zarba berilgani, ularning aksariyati “Qard al-Hasan” moliyaviy uyushmasiga qarshi yo‘naltirilganini ma’lum qildi.
Zarbalardan biri Bayrut aeroporti hududiga tushgan. AFP muxbiri voqea joyidan xabar qilishicha, ushbu hududda tutun chiqishiga qaramay, samolyotlar parvozlarini to‘xtatmagan. Aeroport odatdagidek faoliyat yuritmoqda.
Shuningdek, Livanning sharqida, Isroil bilan chegaradan taxminan 100 kilometr uzoqlikda joylashgan Beqaa vodiysi hududidagi “Qard al-Hasan” filiallari hujumga uchragan.
20 oktyabr kuni kechqurun Isroil armiyasi vakili Daniel Hagari “Hizbulloh” moliyaviy obyektlari yaqinida yashovchi Livan fuqarolarini zudlik bilan ko‘chib ketishga chaqirgandi. U Isroil armiyasi Livanning turli nuqtalarida “Hizbulloh” banklari va moliyaviy mablag‘lari saqlanadigan joylarga zarba berishini bildirgan.
“Qard al-Hasan” uyushmasi 1983 yilda tashkil etilgan bo‘lib, notijorat moliya muassasasi hisoblanadi. Isroilning ta’kidlashicha, “Hizbulloh” undan sanksiyalardan qochib, o‘z jangchilariga maosh to‘lash va tinch aholini qo‘llab-quvvatlash uchun foydalanmoqda.
AQSH 2021 yilda Qard al-Hasanga qarshi sanksiyalar joriy etgan. Rasmiylarning so‘zlariga ko‘ra, muassasa Livanda, jumladan Bayrut va Beqaa shaharlarida 31 ta filialga ega.
Isroil, Hizbulloh, Moliyalashtirgan, Bank filiallari, Zarba berdi “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
Ramzan Qodirov G‘arb davlatlariga hujum qilishga chaqirdi: “Haqiqiy urush qandayligini his qilishsin”
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
Xonanda Ruxshona uylanmagan yigitga turmushga chiqqani haqida so‘zlab berdi
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
22 noyabr kuni Cobalt avtomobiliga shartnoma ochilishi e’lon qilindi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Ro‘ziqul Burdiyev: "Chempionatda hech qanday maqsad qolmagan"
