1 oktabr kuni Tehron Isroilga 200 ga yaqin ballistik raketa uchirganidan keyin Isroil harbiylarining Eronga javobi kutilgan edi.
Isroilning javob hujumi ko‘lami hozircha aniq emas, biroq Isroil jamoat televideniyesi o‘nlab qiruvchi samolyotlar Eron harbiy obyektlariga zarba berganini qayd etdi. Tehronning g‘arbiy va janubi-g‘arbidagi bir qancha harbiy bazalar Isroil tomonidan o‘qqa tutildi, deb tasdiqladi Eronning Fars axborot agentligi.
Nishonlarga energetika infratuzilmasi yoki yadroviy inshootlar kiritilmagan.
Isroil zarbalarining asosiy maqsadi Eron mudofaa sanoatining markaziy harbiy inshootlari, jumladan, raketa zavodlari, dronlarni ishlab chiaruvchi hamda ballistik raketalarni uchirish bazalari bo‘lgan.
Eron davlat televideniyesi Tehron yaqinida «kuchli portlashlar» sodir bo‘lganini xabar qildi.
Shu bilan birga, Eron razvedkasi vakillari davlat televideniyesiga kuchli portlashlar ovozi «Eron havo mudofaa tizimining faollashuvi bilan bog‘liq bo‘lishi mumkinligini» aytishgan.
Bi-bi-si fors xizmatining Tehrondagi guvohlarga tayanib xabar berishicha, mahalliy vaqt bilan soat 2:13 da Eron poytaxti yaqinidagi xalqaro aeroport atrofida 7 tadan 15 tagacha portlash sodir bo‘lgan.
Eron davlat matbuoti hozirda Isroil hujumlari haqiqiy zarar keltirganini inkor etib, ularni muvaffaqiyatsiz deb atamoqda.
Tongga yaqin hujumlarning ikkinchi to‘lqini boshlandi. Tehron sharqida yana to‘rtta portlash ovozi eshitilgan, poytaxtda «havo hujumidan mudofaa vositalari hamon faol» ekani aytildi.
«Tasnim» axborot agentligi manbalarga tayanib xabar berishicha, Eron Isroilning har qanday tajovuziga javob berishga tayyor. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Terri Anri: Bu "Barselona"ni hech kim yenga olmaydi!
Pavel Durov muvaffaqiyatga intilayotgan yoshlarga muhim maslahat berdi
Putin Falastin xalqiga nisbatan tarixiy adolatsizlikni tuzatish zarurligi haqida gapirdi
Isroilda yuk mashinasi bekatdagi odamlarni bosib ketdi (video)
Putin ehtimoliy muzokaralarda Ukrainaga imtiyozlar berilmasligini aytdi
Figurali uchish. O‘zbekistonlik sportchilar tarixda ilk bor Gran-pri turnirida sovrindor bo‘ldi
Livanga yordam berish uchun Parijda taxminan 1 mlrd yevro yig‘ildi
Ukraina ham, Rossiya ham urushga xorijliklarni yubormoqda (foto)