Foto: AFP
Isroil va “Hizbulloh” o‘rtasidagi o‘t ochishni to‘xtatish kelishuvi yaqin kunlar yoki soatlar ichida erishilishi mumkin. Bu haqda Livan bosh vaziri Najib Mikatiga tayanib, Arab News xabar berdi.
Siyosatchining aytishicha, AQSH prezidenti yordamchisining o‘rinbosari, Davlat departamentining energetik xavfsizligi bo‘yicha katta maslahatchisi Eymos Xokstin bilan o‘tkazgan telefon suhbati natijalari sulh bo‘lishiga umid uyg‘otmoqda.
"Bu telefon suhbatidan oldin o‘t ochishni to‘xtatish 5 noyabrdan avval bo‘lishini kutmagan edim", dedi Najib Mikati.
Unga ko‘ra, Xokstin Bayrutga qilgan so‘nggi tashrifi paytida Livan parlamenti raisi Nabix Berriga “maxfiy” taklif topshirgan. Unda Litani daryosining janubida Livan armiyasidan tashqari hech qanday qurolli kuchlar bo‘lmasligi — “Hizbulloh” bu hududni tark etishi lozimligi ta’kidlangan.
“Hizbulloh”ning yangi rahbari Naim Qosim 30 oktyabr kuni Isroil bilan “maqbul shartlar asosida” o‘t ochishni to‘xtatishga rozi bo‘lishini aytdi. Biroq hali samarali kelishuv taqdim etilmaganini bildirdi. Avvalroq “Hizbulloh” G‘azoda o‘t ochishni to‘xtatish sharti bilan Isroilga hujumlarini to‘xtatishini bir necha bor e’lon qilgandi. Ammo Qosim bayonotida Falastin hududi haqida hech qanday gap bormagan. “Munosib va maqbul” deb topilgan shartlar asosida o‘t ochishni to‘xtatish qabul qilinishi aytilgan.
Mikatining aytishicha, o‘t ochishni to‘xtatish 2006 yilda Isroil va “Hizbulloh” o‘rtasidagi urushni yakunlagan BMT rezolyutsiyasining ijro etilishi bilan bog‘liq bo‘ladi.
BMT Xavfsizlik kengashining 1701-sonli rezolyutsiyasiga ko‘ra, Livanning janubiy hududlarida faqat Livan armiyasi va BMT tinchlikparvar kuchlari joylashtirilishi, shuningdek, Isroil qo‘shinlarining Livan hududidan olib chiqib ketilishi talab etilgan.
Mikatining ta’kidlashicha, “Livan armiyasi mamlakatning janubiy hududlarida o‘z mavjudligini kuchaytirishga tayyor” va mintaqadagi barcha qurol-yarog‘ hamda harbiy infratuzilma faqat davlat nazorati ostida bo‘lishini ta’minlaydi. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
Ramzan Qodirov G‘arb davlatlariga hujum qilishga chaqirdi: “Haqiqiy urush qandayligini his qilishsin”
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
Xonanda Ruxshona uylanmagan yigitga turmushga chiqqani haqida so‘zlab berdi
22 noyabr kuni Cobalt avtomobiliga shartnoma ochilishi e’lon qilindi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Konor Makgregor jinsiy tajovuz qilganlikda aybdor deb topildi, u endi...
