Erdo‘g‘on Yaqin Sharq davlatlarini Isroilga qarshi birdamlikka chaqirdi

^{Foto: The Times of Israel}
Turkiya prezidenti Rajab Toyyib Erdo‘g‘on Istanbulda Iroq bosh vaziri Muhammad Shia as-Sudaniy bilan muzokaralar chog‘ida Isroilning harakatlari yuzasidan Yaqin Sharq davlatlarini birdamlikka chaqirdi.

Uchrashuv chog‘ida, shuningdek, Turkiya va Iroq o‘rtasidagi ikki tomonlama munosabatlar, mintaqaviy va global mavzular muhokama qilingan.

“Prezident Erdo‘g‘on Turkiya va Iroqning tarixiy va madaniy aloqalari bo‘lgan ikki qo‘shni davlat ekanini, munosabatlarni yaxshilash va hamkorlik imkoniyatlaridan foydalanish, ayniqsa, 'Taraqqiyot yo‘li' loyihasi ikki davlatga ko‘p foyda keltirishini ta’kidladi”, deya ma’lum qildi Turkiya rahbari idorasi.

Erdo‘g‘on terror tashkilotlari ham Turkiya, ham Iroq uchun xavfsizlikka tahdid ekani, barcha terror tashkilotlariga qarshi beg‘araz kurash olib borish har ikki davlat tinchligi va barqarorligiga xizmat qilishini, Turkiya Iroq hukumatining kurash borasidagi ijobiy qadamlaridan mamnun ekanini bildirgan.

“Prezident Erdog‘an mintaqamizda yoyilayotgan Isroil tajovuzi ham mintaqaviy, ham global tinchlikka tahdid solayotganini, buning oldini olish, tinchlik va osoyishtalikni ta’minlash uchun xalqaro hamjamiyat, ayniqsa, mintaqa davlatlari hamjihatlikda harakat qilishi kerakligini ta’kidladi. Turkiya tinchlik yo‘lida sa’y-harakatlarini davom ettiradi”, deya aniqlik kiritgan prezident idorasi. “Zamin” yangiliklarini “Vkontakti”da kuzatib boring