Foto: Esa Tuomola
Finlyandiya g‘arbida mamlakat tarixidagi ilk dovul qayd etildi. Tabiiy ofat oqibatida 40 mingga yaqin xonadon elektr energiyasi ta’minotisiz qoldi, deb xabar beradi Yle teleradiokompaniyasi.
Ma’lum qilinishicha, Rauma shahrida shamol tezligi soniyasiga o‘rtacha 33,5 metrga, Pori shahrida esa soniyasiga 30,3 metrga yetgan.
«Kuzatuvlar davomida mamlakat tarixida bunday ko‘rsatkich qayd etilmagan. Bu rostdan ham kamyob hodisa», — deydi Meteoroliya instituti meteorologi Tuomo Bergman.
Ma’lumotlarga ko‘ra, 1 noyabr kuni Finlyandiya g‘arbi va janubida 40 mingga yaqin xonadon elektr energiyasidan uzilib qolgan. 2 noyabr tongida esa ularning aksariyatida elektr ta’minoti qayta tiklangan.
Meteorologlarning prognozlariga ko‘ra, 3 noyabr kuni Finlyandiyada yangi kuchli siklon kuzatiladi. U ham yuqoridagi dovul yo‘nalishi bo‘ylab harakatlanadi.
Avvalroq Ispaniyada suv toshqinlari oqibatida 211 kishi halok bo‘lgani, rasmiylar qurbonlar soni ortishi mumkinligini kutayotgani to‘g‘risida xabar berilgandi. Mamlakat hukumati yana 10 ming nafar harbiy xizmatchi va politsiya xodimini suv toshqini oqibatidan jabr ko‘rgan Valensiyaga yuboradi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
Ramzan Qodirov G‘arb davlatlariga hujum qilishga chaqirdi: “Haqiqiy urush qandayligini his qilishsin”
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
Xonanda Ruxshona uylanmagan yigitga turmushga chiqqani haqida so‘zlab berdi
22 noyabr kuni Cobalt avtomobiliga shartnoma ochilishi e’lon qilindi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
Xalqaro jinoyat sudining orderi Isroilni nega qo‘rqityapti?
