Germaniyada Putin borasidagi bahsda ukrainalik o‘ldirildi, o‘zbekistonlik qo‘lga olindi

^{Foto: Bild}
Germaniya janubida Rossiyaning Ukrainaga qilgan hujumi tufayli yuzaga kelgan mojaroda ukrainalik yuk mashina haydovchisi halok bo‘ldi. Bu haqda Bild xabar berdi.

Hodisa 9 noyabr kuni Oberrot aholi punkti yaqinidagi yuk mashinalari to‘xtash joyida sodir bo‘lgan. Kechqurun to‘rt haydovchi u yerda spirtli ichimlik iste’mol qilgan. Ruminiyalik 38 yoshli haydovchi Ionutga ko‘ra, u hamkasblaridan musiqani pasaytirishni so‘ragan, ammo ular quloq solmasdan, baland ovozda kulish va bahslashishni davom ettirgan.

Ionutning ta’kidlashicha, haydovchilar o‘rtasidagi kelishmovchilik sababi Ukrainadagi urush va bunda Rossiyaning roli bo‘lgan. Soat sakkizdan keyin mojaro keskinlashib, mushtlashuvga aylanib ketgan. Oqibatda to‘rt erkak ishtirokidagi mojaroning eng yosh ishtirokchisi — 34 yoshli ukrainalik o‘ldirilgan.

35, 41 va 45 yoshli yana uch nafar haydovchi qamoqqa olingan. Bild ma’lumotlariga ko‘ra, ulardan biri O‘zbekiston fuqarosi hisoblanadi. Hozirda huquq-tartibot organlari ukrainalikni kim o‘ldirganini aniqlamoqda.

Chet elda ukrainlarning o‘ldirilishi

Mart oyida Germaniyada ukrainalik qochqin Margarita Raza o‘ldirildi. Uning endigina besh haftalik bo‘lgan yangi tug‘ilgan qizi va 51 yoshli onasi bedarak yo‘qoldi. Keyinchalik bolani topib, ikki gumonlanuvchi — 44 yoshli nemis va 43 yoshli rossiyalik ayol qo‘lga olindi. Er-xotin ukrainalik ayolni o‘ldirishni uzoq vaqt rejalashtirgan. Erkak qassob bo‘lib ishlagan. Motiv sabablari noma’lum.

Shuningdek, Germaniyadagi qochqinlarni joylashtirish markazida 46 yoshli ukrainalik vafot etgandi. Og‘ir tan jarohati olgan erkakni xavfsizlik xizmati xodimi yotoqxonadan topib, tez tibbiy yordam chaqirgandi. “Zamin” yangiliklarini “Twitter”da kuzatib boring