Foto: “Report.az”
Ukraina frontda Rossiyaga yutqazmoqda. Bu haqda NATO bosh kotibi Mark Ryutte Varshavadagi matbuot anjumanida ma’lum qilgan.
“Endilikda qish davomida, kerak bo‘lsa undan ham uzoqroq muddat Ukrainaga harbiy yordam kelishda davom etishini ta’minlashimiz kerak. Ukraina o‘z hududlarini yo‘qotmoqda. Biz Ukrainaning frontdagi ahvolini barqarorlashtirishga, keyin esa o‘z hududlarini qaytarishga yordam berishimiz zarur”, dedi Ryutte.
Shu sababdan u NATO mamlakatlari tomonidan Kiyevga harbiy yordamning davom etishi o‘ta muhimligini ta’kidladi.
Ryutte, shuningdek, Polsha rasmiylari bilan alyans mudofaasini kuchaytirish masalasini muhokama qildi.
“Biz o‘z imkoniyatlarimizga ko‘proq sarmoya kiritish va ishlab chiqarishni ko‘paytirish orqali mudofaamizni qanday mustahkamlashni muhokama qildik”, deya qo‘shimcha qildi u.
Ukraina uchun og‘ir qish
Avvalroq NATO bosh kotibi Fransiya prezidenti Emmanuel Makron bilan qo‘shma matbuot anjumanida Ukrainadagi mojaro trayektoriyasini o‘zgartirishga chaqirgandi.
Foto: AFP
“Biz birgalikda Ukrainaning jangovar qobiliyatini saqlab qolishdan ko‘ra ko‘proq natijaga erishishimiz kerak. Ukrainaliklar 2022 yildan beri eng qattiq bo‘lishi kutilayotgan qishga tayyorlanar ekan, ularni doimiy qo‘llab-quvvatlashda davom etishimiz zarurati haqida muhokama qilamiz. Tanlagan yo‘nalishimizda uzoq muddat sodiq qolishimizni tasdiqlashimiz kerak”, dedi NATO bosh kotibi.
Yopiq eshiklar ortidagi muhokama
Oktyabr oyida NATO bosh kotibi Mark Ryutte Zelenskiy taqdim qilgan g‘alaba rejasiga o‘z munosabatini bildirib, mazkur reja yopiq eshiklar ortida muhokama qilinishi kerakligini aytgandi.
Bosh kotibning so‘zlariga ko‘ra, reja “ukrainaliklar nimani xohlashini tushunish uchun ular bilan muhokama qilinishi kerak bo‘lgan ko‘p jihatlarga ega”.
Zelenskiy 16 oktyabr kuni Oliy Radaga g‘alaba rejasini taqdim etdi. Rejaning birinchi bandi Ukrainaning NATOga qo‘shilishidan iborat. Zelenskiy bu ish yaqin orada ro‘y berishiga ishonch bildirgan. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Erdo‘g‘on Turkiya Isroil bilan aloqalarini uzganini ma’lum qildi
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
Immunitetni ko‘tarish uchun 6 ta eng yaxshi vitamin
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Ukrainada harbiy xarajatlar bo‘yicha hujjatlarni tozalash boshlandi
Rossiya razvedkasi: AQSH 2025 yil Ukrainada saylovlar o‘tkazishga tayyorlanmoqda
O‘zbekiston, Qirg‘iziston va Qozog‘istonda qo‘shma turistik yo‘nalish yaratilishi mumkin
Blinken Isroildan uchta muammoni hal etishni talab qildi
