Tramp ommaviy deportatsiyalarni amalga oshirish uchun harbiy kuch ishlatishga tayyorligini tasdiqladi

^{Foto: Getty Images}
AQSHning saylangan prezidenti Donald Tramp noqonuniy muhojirlarni deportatsiya qilish uchun federal darajada favqulodda holat joriy etishga tayyorligi haqidagi ma’lumotni tasdiqladi.

Avvalroq Judicial Watch konservativ faollar guruhi rahbari Tom Fitton Trampning niyati haqida yozgan edi.

“Xushxabar: Donald Trampning yangi ma’muriyati mamlakatda favqulodda holat e’lon qilishga va prezident Jo Bayden siyosatini o‘zgartirish hamda ommaviy deportatsiyalarni amalga oshirish uchun harbiy kuch ishlatishga tayyor”, deb yozgan edi Tom Fitton Truth Social nashrida. Fitton ma’lumot manbasini ko‘rsatmagan.

18 noyabr kuni Tramp ijtimoiy tarmoqdagi sahifasida Fittonning postini qayta joylashtirdi va “TRUE!!!” (o‘zb. – “haqiqat”) deb yozdi. Siyosatchi boshqa tafsilotlarni keltirmagan.

Tramp bir necha bor prezident Bayden va uning ma’muriyatining immigratsiya siyosatini tanqid qilgan.

^{Foto: Getty Images}
Axios Tramp allaqachon o‘zining bo‘lajak ma’muriyatidagi lavozimlarga migratsiya bo‘yicha keskin pozitsiyasi bilan tanilgan nomzodlarni ilgari surayotgani haqida xabar bergan.

Portal ma’lumotlariga ko‘ra, ayni damda AQSHda 11 million hujjatsiz muhojir yashaydi. Kutilayotgan deportatsiyalar 20 million oilaga ta’sir qilishi mumkin. Muhojirlarning huquq himoyachilari hokimiyatning rejalariga sud orqali qarshi chiqishga hozirdanoq hozirlik ko‘rishmoqda.

Biroq Tramp jamoasi keyinchalik sudlardagi da’volarni chetlab o‘tadigan va migratsiya nazorati sohasidagi chora-tadbirlarni amalga oshiradigan prezident farmonlarini chiqarishga kirishmoqchi.

WSJ manbalari chora-tadbirlar orasida hozirda amaldagi prezident Bayden ma’muriyati tomonidan amalga oshirilayotgan yuz minglab muhojirlar uchun deportatsiyadan himoyalanishning bekor qilinishi ham tilga olingan. “Zamin” yangiliklarini “Instagram”da kuzatib boring