Foto: Kyodo/picture alliance
AQSH «Tayvandagi kutilmagan vaziyat»ga tayyor turish uchun Yaponiyaning Nansey orollari va Filippinda vaqtinchalik harbiy bazalar yaratib, u yerga raketa bo‘linmalarini joylashtiradi. Bu haqda Yaponiyaning Kyodo agentligi xabar berdi.
Ta’kidlanishicha, ushbu choralar AQSH hamda Yaponiya o‘rtasidagi birinchi qo‘shma operatsiya rejasiga kiritiladi. Mazkur reja dekabr oyida ishlab chiqilishi kerak.
Nansey orollar zanjiri yoki Janubi-g‘arbiy orollar Yaponiyaning Kagosima va Okinava prefekturalarining Tayvan tomonida joylashgan. Agentlik manbalariga ko‘ra, orollardagi bazalarga joylashtirilishi rejalashtirilayotgan AQSH Dengiz piyodalari korpusi ixtiyorida HIMARS yalpi o‘t ochish tizimlari ham bo‘ladi.
Yaponiya mudofaa kuchlari asosan Amerika bo‘linmalarining moddiy-texnik, jumladan, yonilg‘i va o‘q-dorilar ta’minoti bilan shug‘ullanishi kutilmoqda.
AQSH Qurolli kuchlari Filippinga esa ko‘p maqsadli tezkor guruhini joylashtiradi. Bunday bo‘linmalar turli — havo, yerda, suvda, kosmik va axborot makonlarida harakat qilishga mo‘ljallangan.
2023 yil fevralda AQSH va Filippin mamlakatdagi Qo‘shma Shtatlar Qurolli kuchlari foydalanadigan harbiy bazalar sonini beshtadan to‘qqiztagacha oshirish bo‘yicha bitim imzolagan edi. «Ushbu harbiy bazalar Tayvanda favqulodda vaziyat yuzaga kelganda faollashadi», — deyiladi xabarda. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Husiylar Isroil aviabazasiga gipertovushli raketa bilan zarba berdi
Xalqaro jinoyat sudining orderi Isroilni nega qo‘rqityapti?
Ukraina Kursk oblastida egallab olgan hududlarining 40 foizdan ortig‘ini yo‘qotdi
Italiya sudi Quddus Isroil poytaxti emasligi haqida qaror chiqardi
Turkiya o‘zining birinchi kvant kompyuterini taqdim etdi
Konor Makgregor jinsiy tajovuz qilganlikda aybdor deb topildi, u endi...
Sergey Lushchan: "Navbahor" futbolchilari "Neftchi"ga o‘tyapti? Balki..."
“Roma”: Argentinalik yulduz Shomurodovdan zo‘r emas!
