Foto: Al Masirah
Isroil armiyasi Yaman poytaxtidagi xalqaro aeroportga havo hujumlarini amalga oshirdi, deya xabar bermoqda Al Masirah.
Aviazarbalar oqibatida 3 kishi halok boʻlgan, ularning ikki nafari aeroport xodimlari, yaradorlardan biri esa BMTning xususiy samolyoti ekipaji a'zosi boʻlgan. Hodisa vaqtida aeroportdagi bir nechta samolyotga zarar etgan. Al-Mayadeen telekanalining xabar berishicha, Sanaa aeroportidagi boshqaruv minorasi vayron qilingan. Qator OAV xabarlariga koʻra, Isroil harbiy-havo kuchlari Yamanning Xodeyda port shahriga ham hujum qilgan.
Havo hujumlari Yamandagi husiy etakchisi Abdul Malik al-Xutiyning televidenie orqali chiqishi chogʻida amalga oshirilgan. Har ikki tomon rasmiylari havo hujumlari haqidagi ma'lumotni hozircha tasdiqlamagan.
"16 kishi jarohat oldi", deya xabar beradi husiylar nazoratidagi Al Masirah telekanali. Jahon sogʻliqni saqlash tashkiloti rahbari Tedros Adhanom Gebreesus hujum vaqtida poytaxt aeroportida boʻlgan.
“Taxminan ikki soat oldin, biz Sanadan parvozga chiqmoqchi boʻlganimizda, aeroport havodan bombardimon qilindi. Samolyotimiz ekipaj a'zolaridan biri jarohat oldi. Aeroportda kamida ikki kishi halok boʻlgani xabar qilingan. Havo harakatini boshqarish minorasi, joʻnab ketish zali va uchish-qoʻnish yoʻlagi shikastlangan”, deb yozdi Gebreesus.
2023 yil 7-oktyabrda Falastinning HAMAS harakatining Isroilga hujumiga javoban Tel-Aviv Falastin harakatiga qarshi harbiy operatsiya boshladi. Bu, xususan, Yaman husiylarining mintaqada hujumlarini kuchaytirishiga olib keldi.
Avvalroq Yamandan uchirilgan ballistik raketa Tel-Aviv janubidagi jamoat bogʻida portlagani haqida xabar berilgan edi. Shifokorlar 16 kishi, jumladan, uch yoshli qizcha engil tan jarohati olganini ma'lum qilgan. Husiylar zarbani sharhlar ekan, endi ularda Isroilning yirik shaharlariga zarba berish uchun qurol borligini aytgan.
24 dekabr kuni Isroil tashqi ishlar vaziri Gideon Saar Isroilning Evropadagi diplomatik vakolatxonalariga husiylarni terrorchi tashkilot sifatida tan olishni talab qildi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Abbosbek Fayzullaev: “Jirona”ni tanlayman...
Putin MDH etakchilari bilan uchrashuvda qanday fikrlar bildirdi?
100 nafar falastinlik vaqtincha Oʻzbekistonga evakuatsiya qilindi
Erdo‘g‘on: “Suriyadagi kurd jangarilari yo qurollarini topshiradi, yo dafn qilinadi”
Husiylar hujumi Misrga 7 mlrd dollar zarar keltirdi
Rim papasi Rossiya va Ukrainani qurollarini tashlashga chaqirdi
Muhammad Salohning qaysi harakati uchun misrliklarning tanqidlari "yomgʻiri yogʻildi"...?
Vengriya bosh vaziri: “Ukrainadagi urush 2 xil yo‘l bilan tugaydi”
