Checheniston prezidenti Ramzan Qodirov besh nafar oila a'zolarini mukofotladi

^{Foto: «Chechnya segodnya»}
Checheniston hukumatining 2024 yil yakunlariga bagʻishlangan yigʻilishida respublika rahbari Ramzan Qodirov hukumatning bir guruh oʻrnak koʻrsatgan a'zolarini mukofotladi. Bu haqda «Chechnya segodnya» («Checheniston bugun») nashri xabar berdi.

E'tiborli jihati, taqdirlanganlarning besh nafari Qodirovlar oilasining a'zolari hisoblanadi.

Xususan, hukumat mukofotlari bilan taqdirlanganlar quyidagilar:

• Ayshat Qodirova (hukumat raisi oʻrinbosari) — «Xizmat koʻrsatgan ijtimoiy soha xodimi» unvoni;
  
• Xadicha Qodirova (respublika va hukumat rahbari ma'muriyati rahbarining birinchi oʻrinbosari) — «Xizmat koʻrsatgan yoshlar siyosati xodimi» unvoni;
  
• Ahmat Qodirov (Checheniston jismoniy madaniyat va sport vaziri) — «Xizmat koʻrsatgan jismoniy madaniyat xodimi» unvoni bilan;
  
• Hamzat Qodirov (Checheniston xavfsizlik kengashi kotibi) — Checheniston Respublikasiga koʻrsatgan xizmatlari uchun» medali;
  
• Tabarik Qodirova («IRS GRUPP» kompaniyalari guruhi ta'sischisi) — «Mehnatda oʻrnak koʻrsatganlik uchun» faxriy nishoni bilan taqdirlangan.
  

“Zamin” yangiliklarini “Telegram”da kuzatib boring