AQSh Ukraina mojarosini hal qilish uchun muzokaralar stoliga oʻtirishga “Rossiyani koʻndirish”ga yordam berishi kerak, deya Fransiya prezidenti Emmanuel Makron fikr bildirdi.
“AQSh vaziyatning tabiatini oʻzgartirish va Rossiyani muzokaralar stoliga oʻtirishga ishontirishda bizga yordam berishi kerak”, dedi Makron.
Rossiya prezidenti Vladimir Putin avvalroq Ukrainadagi mojaroni tinch yoʻl bilan hal qilish taklifini bildirgan edi. Unga koʻra, Ukraina qoʻshinlari Rossiyaning yangi hududlaridan olib chiqilgandan soʻng Moskva zudlik bilan oʻt ochishni toʻxtatadi va muzokaralarga tayyorligini ma'lum qiladi. Bundan tashqari, Putinning qoʻshimcha qilishicha, Kiyev NATOga a'zo boʻlish va demilitarizatsiya va denatsifikatsiya qilish niyatidan voz kechishi, shuningdek, neytral, blokdan tashqari va yadrosiz maqomni qabul qilishi kerak. Rossiya rahbari Rossiyaga qarshi sanktsiyalarning bekor qilinishini ham eslatib oʻtgan.
Ukraina armiyasining Kursk viloyatiga hujumidan soʻng Putin “tinch aholiga, fuqarolik infratuzilmasiga begʻaraz zarbalar bergan yoki atom energetikasi ob'ektlariga tahdid yaratishga urinayotganlar” bilan muzokara olib borishning iloji yoʻqligini aytgan. Rossiya prezidentining yordamchisi Yuriy Ushakov keyinroq Putin tomonidan ilgari surilgan Ukraina kelishuvi boʻyicha Moskvaning tinchlik takliflari bekor qilinmaganini, ammo hozirgi bosqichda Rossiya Ukraina bilan gaplashmasligini qayd etgan.
AQShning saylangan prezidenti Donald Tramp muzokaralar orqali Ukraina mojarosini hal qilishga erishishga va'da bergan edi. Bundan tashqari, u Ukrainadagi mojaroni bir kunda hal qila olishini bir necha bor aytgan.
22 dekabr kuni Tramp Ukrainadagi mojaroni hal qilish boʻyicha Rossiya prezidenti bilan uchrashuv oʻtkazishini ma'lum qildi. U Ukrainadagi mojaroni “dahshatli” deb atadi va agar u amaldagi davlat rahbari Jo Bayden oʻrniga AQSh prezidenti boʻlganida, bu mojaro sodir boʻlmasligini yana bir bor takrorlagan.
Rossiya prezidenti matbuot anjumani bilan birlashtirilgan toʻgʻridan-toʻgʻri liniyada Tramp bilan muloqot va uchrashuvga tayyorligini bildirgan. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Kechiktirilgan «kadastr» uchun jarimalar kamaytirilmoqda
Toshkentda havo ifloslanishini nazorat qiluvchi yana uchta avtomatik stantsiya oʻrnatildi
Mutaxassis tarmoqlardagi sarosima haqida: “Metapnevmovirus umuman yangi emas, vahimaga oʻrin yoʻq”
Tramp yana Kanadaga AQSh bilan birlashishni taklif qildi
Fransiyaning sobiq prezidenti Sarkozi ustidan sud boshlandi
Donald Tramp Jo Baydenni Ukrainadagi mojaroda aybladi
"Nasaf" yarim himoyachisi bilan shartnomani uzaytirdi
Portugaliya klublari qiziqib qolgan futbolchini "Dinamo" qanday saqlab qoldi?
