Qozogʻiston Markaziy Osiyo davlatlari orasida harbiy qudrat boʻyicha etakchiga aylandi

^{Foto:Qozogʻiston Mudofaa vazirligi}
Global Firepower portali tomonidan e'lon qilingan eng kuchli armiyalar reytingida Qozogʻiston bir pogʻona yuqoriga koʻtarilib, harbiy qudrat boʻyicha Markaziy Osiyodagi barcha qoʻshnilarini ortda qoldirdi.

Mamlakatning asosiy harbiy koʻrsatkichlar boʻyicha muvaffaqiyatlari alohida qayd etilgan. Jumladan, Qozogʻiston baravariga otiladigan reaktiv raketa tizimlari soni boʻyicha dunyoda 17-oʻrinda (407 dona) va oʻziyurar artilleriya soni boʻyicha 21-oʻrinda. Mamlakatning mudofaa byudjeti 2 mlrd dollarga baholangan. Faol harbiylar soni 110 ming kishini tashkil qiladi.

Oʻzbekiston reytingda 58-oʻrinni egalladi. Mamlakat harbiy vertolyotlar soni boʻyicha (34 ta) dunyoda 23-oʻrinda, oʻziyurar artilleriya soni boʻyicha (147 ta) dunyoda 25-oʻrinda, faol harbiylar soni (48 ming) boʻyicha 75-oʻrinda qayd etilgan. Mamlakatning mudofaa byudjeti 2,8 mlrd dollarga baholangan.

Reytingda Turkmaniston 77-oʻrinni, Qirgʻiziston 105-oʻrinni va Tojikiston 108-oʻrinni egalladi.

Eng kuchli armiyalar reytingida birinchi oʻrinda AQSh, ikkinchi oʻrinda Rossiya. Keyin Xitoy, Hindiston va Janubiy Koreya. Turkiya, Yaponiya va Fransiya ham kuchli oʻntalikka kirgan. Butan oxirgi oʻrinni egalladi. “Zamin” yangiliklarini “Telegram”da kuzatib boring