Habib Nurmagomedov AQShda styuardessa bilan tortishgani uchun samolyotdan tushirib yuborildi

^{Foto: Videodan kadr}
UFC sobiq chempioni, rossiyalik Habib Nurmagomedov styuardessa bilan tortishib qolgani uchun AQShda samolyotdan tushirib yuborildi. Bu haqda Essentially Sports'ga tayanib Kun.uz xabar berdi.

Ijtimoiy tarmoqlarda tarqalgan videoda Nurmagomedov samolyotning favqulodda chiqish eshigi yonida oʻtirgani koʻrinadi. Styuardessa undan favqulodda vaziyat yuzaga kelganda boshqa yoʻlovchilarga yordam bera oladimi, deb ingliz tilida soʻragan.

Nurmagomedov savolni darrov tushunmadi va undan boshqa oʻrindiqqa oʻtirishni soʻrashdi. Ammo u rad javobini berdi. Keyin styuardessa unga supervayzerga qoʻngʻiroq qilishini va samolyotdan tushirilishini aytdi.

Nurmagomedov styuardessaning talablarini adolatsiz deb atadi, chunki roʻyxatdan oʻtish vaqtida undan ingliz tilini bilishi haqida soʻrashgan edi.

Yakunda Nurmagomedov oʻrnidan turib, supervayzerga ergashishga majbur boʻldi, uning hamrohlari ham oʻrnidan turib, javondan bagajlarini olib ketishdi.

18 yanvar kuni Los-Anjelesda 2025 yilgi UFC markaziy turnirlaridan biri boʻlib oʻtishi rejalashtirilgan. Unda Nurmagomedov jamoasi jangchilari ham chiqish qilishi lozim. “Zamin” yangiliklarini “Telegram”da kuzatib boring