Ukraina dronlari Kaluga oblastidagi «Rosneft» neft bazasiga zarba berdi

Ukraina uchuvchisiz uchoqlari Kaluga oblasti Lyudinovo shahridagi neft omboriga hujum qildi. Zarbadan keyin u erda yongʻin boshlandi, deb xabar berdi Kaluga gubernatori Vladislav Shapsha 18 yanvar, shanbaga oʻtar kechasi oʻzining Telegram-kanalida. «Lyudinovo shahrida UUA hujumi natijasida sanoat korxonasi hududida yongʻin sodir boʻldi. Voqea joyida tezkor guruh va qutqaruv xizmati xodimlari ishlamoqda. Dastlabki ma'lumotlarga koʻra, qurbonlar yoʻq», deb yozdi rasmiy. Lyudinovo rayoni rahbari Stefan Perevalov VK'da qurbonlar va jarohatlanganlar yoʻqligini, yongʻin tarqalishi xavfi mavjud emasligini tasdiqladi. Rossiyaning anonim Telegram-kanallari Lyudinovodagi neft bazasidagi yirik yongʻin koʻrinib turgan videoni e'lon qildi. Uning hududidan tutun ustuni osmonga koʻtarilyapti. Rossiya xavfsizlik kuchlariga yaqin boʻlgan «VChK-OGPU» Telegram-kanali tomonidan bir nechta videolar e'lon qilingan.Lyudinovodagi neft bazasiga avval ham hujum qilinganLyudinovo shahridan Ukraina bilan chegaragacha taxminan 170 km. Rossiyaning Neftegaz sanoat portali ma'lumotlariga koʻra, «Rosneft»ning shu'ba korxonasi «Kaluganefteprodukt» neft bazasi Lyudinovoda joylashgan. Umumiy hajmi 6700 kub metr boʻlgan toʻqqizta rezervuar mavjud. U erda AI-92 va AI-95 benzini, shuningdek, dizel yonilgʻisi saqlanadi. Neft bazasi yonida «Rosneft» yonilgʻi quyish shoxobchasi joylashgan. Mahalliy «iLyudinovo» portali yozganidek, neft omboriga avvalroq ham uchuvchisiz uchoqlar hujum qilgan. Masalan, 2024 yil 28 aprelda. Oʻsha paytda rezervuarning tashqi korpusi shikastlangan, ammo vayronagarchilik boʻlmagan. Neftegaz ma'lumotlariga koʻra, Lyudinovoda dron hodisalari 2024 yilning 16 noyabr va 23 dekabr kunlari ham qayd etilgan. “Zamin” yangiliklarini “Telegram”da kuzatib boring