Germaniya kansleri: Demokratiya - Ilon Maskdan kuchliroq

Germaniya kansleri Olaf Shols AQSh hukumati samaradorligi departamenti (DOGE) rahbari milliarder Ilon Maskning Germaniyadagi saylov kampaniyasiga aralashuvini tanqid qildi. Shols 15 fevral, shanba kuni suhbatdan parchalarni chop etgan Funke Mediengruppe gazetalari va Fransiyaning Ouest-France gazetasiga intervyu berdi.

«Demokratiya - Ilon Maskdan kuchliroq», deb ta'kidladi Shols. Germaniya vazirlar mahkamasi rahbarining soʻzlariga koʻra, u DOGE rahbari «Evropada – nafaqat Germaniyada, balki boshqa koʻplab mamlakatlarda ham oʻta oʻng partiyalarni saylashga chaqirayotganidan» xavotirda.

«Menimcha, bizga kamroq savdo toʻsiqlari kerak»

Olaf Shols Vashington bilan Donald Tramp davridagi munosabatlar holatiga ham toʻxtalib oʻtdi: «AQSh bizning doʻstimiz». «Biz birinchi navbatda 1945 yildan keyin Germaniya demokratik va erkin davlatga aylangani uchun Qoʻshma Shtatlardan minnatdormiz. Bizning munosabatlarimiz shunga asoslanadi», — dedi u.

Shu bilan birga, siyosatchi Tramp tomonidan e'lon qilingan alyuminiy va poʻlatga bojlarni tanqid qildi. «Asosan, menimcha, bizga koʻproq emas, kamroq savdo toʻsiqlari kerak», dedi Shols va Evropa bu masalada birlashganligini qoʻshimcha qildi.

450 million aholisi boʻlgan Evropa Ittifoqi dunyodagi eng yirik iqtisodiy zonadir, deya ta'kidladi Germaniya kansleri. «Bu bizga mustahkam pozitsiya beradi», dedi u. Evropa Komissiyasi Vashingtonning tarif choralariga «juda tez» munosabat bildiradi, deya va'da berdi Germaniya vazirlar mahkamasi rahbari. “Zamin” yangiliklarini “Telegram”da kuzatib boring