Janubiy Koreya prezidenti Yun Sok Yol mamlakatda harbiy holat e’lon qilishga muvaffaqiyatsiz urinmasidan to‘rt oy o‘tib, lavozimidan butunlay chetlatildi, deb BBC xabar berdi. Konstitutsiyaviy sud uning impichmenti haqidagi qarorni o‘z kuchida qoldirdi.
Impichmentni qo‘llab-quvvatlash uchun sudning 8 a’zosi ovoz bergan. Ular hukm chiqarish vaqtida prezident o‘z qarori bilan konstitutsiya, qonun ustuvorligi va demokratiya tamoyillarini buzganini ta’kidlashgan.
Endilikda Janubiy Koreyada 60 kun ichida yangi prezidentlik saylovi o‘tkazilishi kerak.
2024 yil dekabrida Yun mamlakatda harbiy holat e’lon qilishga uringan, parlament esa uni isyonga urinishda ayblab, unga nisbatan impichment e’lon qilgan edi. Bu qarordan so‘ng u lavozimidan chetlatilgan, ammo rasman prezidentlikdan butunlay chetlatilishi Konstitutsiyaviy sud qaroriga bog‘liq edi.
Yun isyonga urinish ayblovlarini rad etgan va bu qaror “siyosiy jihatdan tekshirilgan” bo‘lib, davlatni muxolifatdan himoya qilish uchun qabul qilinganini aytgan. Uning advokatlari esa sud jarayonini “noqonuniy va adolatsiz” deb baholashgan.
Mart oyida Konstitutsiyaviy sud Yun Sok Yolni hibsdan ozod qilgan va unga nisbatan chiqarilgan hibs orderini bekor qilgan. “Zamin” yangiliklarini “Telegram”da kuzatib boring
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
