Prezident Donald Tramp Qo‘shma Shtatlarda yashash huquqini beruvchi “oltin karta” qanday ko‘rinishga ega bo‘lishini namoyish etdi, deb Air Force One samolyoti bortida jurnalistlar bilan suhbatda aytib o‘tdi.
«Bilasizmi, bu nima?» — deb so‘radi u va kartani ko‘rsatdi. So‘ng o‘zi javob berdi: «Bu oltin karta, Trampning kartasi. Besh million dollar evaziga bu sizniki bo‘lishi mumkin».
Karta bank kartasidan biroz kattaroq bo‘lib, ustida Ozodlik haykali fonida Tramp portreti aks etgan. O‘ng tomonida “The Trump Card” degan yozuv va prezident imzosi bor.
Trampning aytishicha, karta ikki hafta ichida sotuvga chiqariladi.
Prezident “oltin karta” dasturini fevral oyining oxirida e’lon qilgan edi. Bu dastur xorijliklarga AQShda yashash huquqi beradigan, 1 million dollar sarmoya talab qiluvchi EB-5 dasturini almashtirishga mo‘ljallangan. Yangi “oltin karta” doimiy yashash huquqini beradi va 5 million dollar (hozirgi kurs bo‘yicha taxminan 615 milliard so‘m) evaziga AQSh fuqaroligini olish imkonini yaratadi.
Tramp ta’kidlashicha, kartalar savdosidan tushgan mablag‘lar AQSh byudjetidagi kamomadni qoplash uchun ishlatilishi mumkin. Yangi viza nomzodlari tekshiruvdan o‘tadi, ammo bu borada hozircha qo‘shimcha tafsilotlar berilmagan. “Zamin” yangiliklarini “Telegram”da kuzatib boring
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
