Avvalroq, britaniyalik 14 yoshli qizaloq saraton kasalligiga chalinganidan so‘ng o‘zini muzlatishga qaror qilgani, bu uchun otasi bilan sudlashgani va sudda yutib chiqqani haqida xabar bergan edik. Xorijiy OAVlarda vaziyat to‘liq aks etgan xabarlar chop etildi.
London Oliy sudiga britaniyalik 14 yoshli qizning o‘limi va vasiyatnomasi bilan bog‘liq hujjatlar kelib tushdi. Hujjatlarga ko‘ra, JS ismini olgan 14 yoshli qiz 2015 yilda saraton kasalligining kamyob turiga chalingan. JS kasallikning so‘nggi 3 oyini internet orqali o‘limidan so‘ng tanani muzlatish haqida ma’lumot to‘plash bilan o‘tkazdi. Natijada JS bir qarorga kelib, quyidagicha vasiyatnoma qoldirdi:
“Men er ostida qolishni istamayman. Men yashashni, uzoq yashashni istayman. O‘ylaymanki, kelajakda saratonga qarshi dori yaratiladi va meni uyg‘otishadi. Men shunday imkoniyatim bo‘lishini istayman. Bu mening tilagim”.
London Oliy sudi ota-onalar o‘rtasidagi ajrim holatlariga ko‘nikib qolgan, lekin bu safar vaziyat o‘zgacha. Shu vaqtgacha ota-onalar o‘rtasida o‘z qizlarining o‘limidan so‘ng uning jasadi kimga tegishi borasida sudlashmagandi. 2008 yilda qizning ota-onasi ajrashgan va shu vaqtdan buyon otasi qizini biror marta ham ko‘rishga kelmagan. Otasi rasmiy ravishda qizining jasadini muzlatishga ruxsat berishi kerak edi, biroq u ham o‘sma tufayli hayoti xavf ostida qolgan va jasadni muzlatishni pulni bekorga sarflash, deb hisoblashini aytgan.
Qizi esa otasini sudga bergan. Sudya qizning o‘limidan 3 hafta avval shifoxonaga borgan va qizning tanasini muzlatish haqida qaror chiqargan. Qiz 2216 yilda qayta “tirilish” umidi bilan 17 oktyabr kuni “hayotdan ko‘z yumdi”. Qizning “o‘limi”dan so‘ng, darhol tanasi 70 darajada sovutilib, 40 kg muz solingan qutiga joylandi va Michiganga yuborildi. Michiganda muzlatilgan jasadlar saqlanuvchi klinikalardan biri joylashgan. Bunday klinikalar yana Rossiya va Arizonada ham bor.
1970 yildan hisoblaganda, umumiy hisobda 200 ga yaqin jasadlar muzlatilgan. Lekin JS birinchi yosh o‘smir bo‘ldi. Hozircha birorta bemor muzlatish holatidan chiqib, qayta hayotga qaytish jarayonidan o‘tmagan. Fan hozircha jasadni faqat muzlatish texnikasini o‘zlashtirgan. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Husiylar Isroil aviabazasiga gipertovushli raketa bilan zarba berdi
Turkiya o‘zining birinchi kvant kompyuterini taqdim etdi
Har payshanba jismoniy tarbiya va sport kuni sifatida belgilanadi
Josep Borrel: “Xalqaro jinoyat sudining Netanyaxuni hibsga olish bo‘yicha qarori ijro etilishi shart”
Metabolizm sekinlashganining belgilari
Superliga. OKMK safarda "Paxtakor"ni mag‘lub etdi va 11 yillik qora an’anaga chek qo‘ydi
