Restoranda tushlik paytida noma’lum shaxs vazirning sumkasini o‘g‘irlab ketdi

Yakshanba kuni kechqurun AQSH ichki xavfsizlik vaziri Kristi Noem Vashington markazidagi restoranda tushlik qilib o‘tirar ekan, o‘g‘rilikka uchradi. Bu haqda ABC News xabar tarqatdi.

Kuzatuv kameralari orqali aniqlangan holat
Huquqni muhofaza qiluvchi idoralarning ma’lum qilishicha, vazirning xavfsizligini nazorat qiluvchi Maxfiy xizmat xodimlari restorandagi kamera yozuvlarini ko‘rib chiqqan. Ularda tibbiy niqob taqib olgan, oq tanli noma’lum erkak shaxs vazirning sumkasini olib, restoranni tark etgani tasvirlangan.

Sumkada nima bor edi?
Og‘irlikka uchragan sumkada quyidagi narsalar bo‘lgan:
- Haydovchilik guvohnomasi,
- Shaxsiy dori-darmonlar,
- Kvartira kaliti,
- Milliy xavfsizlik departamentiga kirish ruxsatnomasi,
- Kosmetichka,
- Blank cheklar,
- Taxminan 3 ming dollar naqd pul.

Departament vakilining ta’kidlashicha, vazir mazkur pulni oilasi uchun tushlik uyushtirish va Pasxa bayrami munosabati bilan sovg‘alar xarid qilish maqsadida olib yurgan.

Noem o‘g‘rilikni tasdiqladi, gumonlanuvchi hanuz topilmagan
Kristi Noem o‘g‘rilik sodir bo‘lganini ommaviy axborot vositalariga tasdiqladi. Unga ko‘ra, hozirgacha hech qanday gumonlanuvchi qo‘lga olinmagan.

Kristi Noem kim?
U faoliyati davomida:
- Janubiy Dakota shtati gubernatori sifatida ishlagan.
- AQSH Kongressining Vakolatxonalar palatasi a’zosi bo‘lgan.

Hozirda Ichki xavfsizlik vaziri sifatida milliy xavfsizlik, chegara nazorati, migratsiya, terrorizmga qarshi kurash va kiberxavfsizlik sohalariga mas’ul.

Siz nima deb o‘ylaysiz — bunday darajadagi shaxslar xavfsizlikni ta’minlashda yanada ehtiyotkor bo‘lishi kerak emasmi? Bu voqea davlat rahbarlari uchun qanday saboq bo‘lishi mumkin? “Zamin”ni Telegramʻda oʻqing!