Burak O‘zchivit va Fahriye Evjen o‘g‘lining tug‘ilgan kunini katta bayram qildi!

Turkiya kinosi va seriallarining sevimli yulduzlari Burak O‘zchivit hamda Fahriye Evjen muxlislari bilan yana bir bor baxtli va quvonchli daqiqalarni bo‘lishdi. Yulduzli juftlikning to‘ng‘ich o‘g‘li Karan olti yoshga to‘lganini nishonlab, oila davrasida katta bayram tashkil qildi.

Aktrisa Fahriye Evjen o‘zining ijtimoiy tarmoqdagi sahifasida oilaviy bayramdan bir qator yorqin suratlarni joylashtirib, muxlislariga ushbu ajoyib kun haqida xabar berdi. Suratlarda quvonchga to‘la ko‘zlari bilan tort atrofida yig‘ilgan baxtiyor oilani ko‘rish mumkin. Karan, uning otasi Burak va ukasi Keremning samimiy tabassumi har qanday insonning yuziga tabassum ulashishi shubhasiz.

Kichik Karan uchun bu bayram haqiqiy mo‘jizaga aylangan. Bayram torti ham bolaning qiziqishlariga mos ravishda, juda ajoyib uslubda bezatilgan. Tortining futbol mavzusida bo‘lishi ham tasodif emas. Sababi, kichik Karan bu sport turiga alohida qiziqish bildiradi va shu yo‘nalishda shug‘ullanadi.

Turk kinosi yulduzlarining muxlislari bu oilaviy bayramni katta qiziqish bilan kuzatib, ijtimoiy tarmoqlarda samimiy tilak va tabriklarni qoldirishdi.

Zamin.uz tahririyati ham Karanni tug‘ilgan kuni bilan tabriklab, unga baxt, sog‘lik va kelajakda katta muvaffaqiyatlar tilaydi.

Siz bu yulduzli oilaning bayram kuni haqida qanday fikrdasiz? “Zamin”ni Telegramʻda oʻqing!