Vetnamdan tarixiy shou: 10 ming dron bilan osmondagi rekord

Vetnam dunyo diqqatini o‘ziga qaratadigan navbatdagi texnologik rekordni qayd etdi — mamlakatda bir vaqtning o‘zida 10 518 ta dron bilan o‘tkazilgan shou orqali Ginnesning yangi rekordi o‘rnatildi. Bu haqda TechRadar nashri xabar berdi.

Tomoshabop shou va texnologik mukammallik

Ushbu hayratomuz dron namoyishi Xoshimin shahri osmonida Xitoyning Damoda Robotics Technology kompaniyasi tashabbusi bilan amalga oshirildi. LED yoritgichlar bilan jihozlangan dronlar zamonaviy sinxronlashtirish tizimi orqali murakkab shakllar, milliy ramzlar va “VIỆT NAM” degan yozuvni hosil qildi.

Bu kabi shou vizual ta’sirchanlik bilan birga, yuqori aniqlik, yuksak xavfsizlik choralari va real vaqtdagi boshqaruvni talab qiladi. Shuning uchun mazkur namoyish faqat Vetnamda emas, balki butun dunyoda texnologiyalar va dron muhandisligi sohasida katta qiziqish uyg‘otdi.

Aholining munosabati ikki xil

Har qancha shou shovqin bilan qarshi olingan bo‘lsa-da, Xoshimindagi ba’zi mahalliy aholi turg‘unlik, dronlar shovqini va xavfsizlik bilan bog‘liq xavotirlarini bildirishdi. Ayrim fuqarolar shahar muhitida bunday ulkan miqyosdagi dronlar parvoziga cheklovlar bo‘lishi kerakligini ta’kidlashdi.

Shunga qaramay, mahalliy OAV bu voqeani “milliy taraqqiyot, zamonaviylik va texnologik ildamlik ramzi” sifatida yoritmoqda.

Zamin.uz tahririyatidan:

Vetnamning ushbu yutug‘i, shubhasiz, yangi innovatsion sahifalarni ochadi. Bir vaqtda 10 mingdan ziyod dronni birgalikda boshqarish na faqat vizual hayrat, balki injeneriya va texnologik muvaffaqiyat hamdir. Bu kabi tashabbuslar global dron sanoatida yangi bosqichni boshlashi aniq.

Siz bu kabi dron-shoular haqida nima deb o‘ylaysiz? Ular texnolagik taraqqiyot ramzimi yoki ortiqcha shovqinmi? “Zamin”ni Telegramʻda oʻqing!