Xarkivga yangi hujum: Shahed dronlari besh qavatli uylarni yoqib yubordi

11 iyunga o‘tar kechasi, mahalliy vaqt bilan soat 00:31 dan 00:40 gacha Rossiya Qurolli kuchlari Xarkiv shahriga yangi va qattiq dron hujumini amalga oshirdi. Xarkivning Slobodskoy va Osnovyanskiy tumanlari 17 ta Shahed turkumiga mansub uchuvchisiz uchoqlar orqali nishonga olindi. Bu haqda shahar meri Igor Terexov Telegram'da ma’lum qildi.

Vayrona va yong‘inlar ichida — halok bo‘lganlar va yaralanganlar

Dastlabki ma’lumotlarga ko‘ra, hujum natijasida kamida ikki nafar fuqaro halok bo‘lgan, 54 nafar kishi yaralangan. Mehribonliksiz zo‘ravonlikning bu oqibatlari orasida besh nafar bola ham borligi aniqlangan.

Mer Terexov ma’lum qilganidek, besh qavatli uylardan birida 15 dan ortiq xonadon yonmoqda. Uning ta’kidlashicha, bir necha kishilar vayronalar ostida qolgan bo‘lishi mumkin. Qutqaruvchilar o‘t ochog‘idan bir nechta fuqaroni tirik holda chiqarishga muvaffaq bo‘lgan.

Maktablar, bolalar maydonchalari va korxonalar ham nishonga olindi

Hujum faqat turar-joy binolariga emas, bolalar maydonchalari, jamoat transporti, aloqa va kommunal tarmoqlar, sanoat korxonalari va infratuzilma obyektlariga ham tegishli bo‘lgan. Shaharning ayrim qismlarida elektr va suv ta’minoti uzilgan.

Yonib ketgan mashinalar, singan oyna ramkalari, shikastlangan trolleybuslar va axborot tarmoqlarining ishdan chiqishi shaxar aholisini hech kutilmagan vahimaga soldi.

Favqulodda vaziyatlar xizmati kunda tun uyqusiz ishlamoqda

Favqulodda vaziyatlar xizmati va ko‘ngillilar hozirda hujum oqibatlarini bartaraf etish bilan shug‘ullanmoqda. Gaz, elektr va suv ta’minotini tiklash ishlari davom etmoqda.

“Xarkov life” Telegram kanalida e’lon qilingan videolarda yong‘inga cho‘mgan uylar, yonib ketgan mashinalar va panikadagi fuqarolar tasvirlangan. Bunday manzaralar Rossiya va Ukraina o‘rtasidagi urushning fojeaviy va insonparvarlikka zid qiyofasini yana bir bor namoyon etmoqda.

Bunday hujumlar nafaqat Xarkivni, balki butun dunyo vijdonini titratmoqda.
Fuqarolik aholisiga qarshi yo‘naltirilgan har qanday harbiy harakatlar xalqaro huquq va inson qadriga qarshi harakat hisoblanadi. Xarkivdagi bu kecha — tarixda qalin harflar bilan yoziladigan yana bir qayg‘uli sahifa bo‘ldi.