Putin Ukraina, Eron va Isroil bo‘yicha keskin bayonotlar berdi

Sankt-Peterburgda bo‘lib o‘tgan an’anaviy xalqaro iqtisodiy forum (PMEF)da Rossiya prezidenti Vladimir Putin dunyodagi dolzarb geosiyosiy voqealar yuzasidan o‘z munosabatini bildirdi. Prezident nutqi forum ishtirokchilari va xalqaro media uchun qiziq nuqtalar bilan boy bo‘ldi — xususan, Ukrainadagi urush, Isroil va Eron o‘rtasidagi keskinlik, shuningdek, Rossiya armiyasining rivojlanish istiqbollari haqida ochiq bayonotlar berildi.

Ukraina haqida

Putin yana bir bor o‘zining Ukraina bo‘yicha pozitsiyasini qayd etdi. U rus va ukrain xalqlarini bir millat deb hisoblashini ta’kidlab, butun Ukraina “bizniki” degan fikrni bildirdi. Shu bilan birga, u voqelikni tan olish kerakligini, Ukraina suvereniteti va mustaqilligiga hurmat borligini aytib o‘tdi.

Prezident Ukraina bilan kelishuv so‘rash emas, balki jang maydonida shakllangan real vaziyatni tan olishni talab qilmoqda. Shuningdek, u Sumi viloyatini egallash rejasi yo‘qligini, ammo ehtimolni istisno qilmasligini bildirdi. Ukaina 1991 yilgi mustaqillik deklaratsiyasiga qaytishi — ya’ni neytral, yadrosiz va bloklarga qo‘shilmagan davlat maqomini tiklashi kerakligini eslatdi.

Isroil va Eron mojarosi haqida

Putin Eron Oliy rahbariga nisbatan suiqasd haqidagi gap-so‘zlarni “ritorik” deb atab, ular amalga oshmasligi lozimligini ta’kidladi. Shu bilan birga, u Rossiyaning ikki tomon bilan ham aloqada ekanini, ammo vositachi sifatida emas, balki tinchlik g‘oyalarini ilgari surishda ishtirok etishini bildirdi.

“Shoshilmasdan, zarar qilmasdan yechim izlash kerak. Menimcha, bu mojaroni siyosiy yo‘l bilan bartaraf etish mumkin”, dedi u. Putin Rossiyaning ushbu murakkab vaziyat bo‘yicha o‘z takliflari borligini aytdi, ammo ularga aniqlik kiritmadi.

Armiya va mudofaa sanoati haqida

Putin Qurolli Kuchlarni zamonaviy qurol-yarog‘ va texnikalar bilan ta’minlash bo‘yicha katta islohotlar olib borilishini ma’lum qildi. Uning so‘zlariga ko‘ra, Rossiya endi mudofaa va fuqarolik sanoatini alohida ajratmasdan, ikki sohani integratsiya qilgan holda ishlashni maqsad qilmoqda.

Buning asosiy maqsadi — harbiy va fuqarolik maqsadlar uchun moslashtirilgan ikki maqsadli mahsulotlar ishlab chiqarish, eksport salohiyatini kengaytirish va do‘stona davlatlar bilan qo‘shma harbiy-texnikaviy loyihalarni yo‘lga qo‘yishdir.

Xulosa
Putinning Sankt-Peterburgdagi chiqishi nafaqat Rossiyaning ichki siyosiy yo‘nalishlari, balki xalqaro munosabatlar borasidagi yangi yetishish nuqtalarini namoyon qildi. Uning nutqi xalqaro hamjamiyat va tahlilchilar tomonidan katta e’tibor bilan kuzatilmoqda. Shu bilan birga, ushbu bayonotlar dunyodagi yanada murakkablashib borayotgan vaziyatni yana bir bor tasdiqlamoqda. “Zamin”ni Telegramʻda oʻqing!