Shimoliy Koreya turizm sohasida yangi sahifa ochmoqda. Vonsan shahrida qurilgan ulkan sohilbo‘yi kurort rasman o‘z eshiklarini ochdi, deb yozadi kcna.kp. Yangi majmua mamlakat tarixida ilk bor bunday keng qamrovli va zamonaviy infratuzilmaga ega bo‘lgan loyiha sifatida baholanmoqda.
Yangi kurort hududida yuzlab obyektlar barpo etilgan: 20 ming o‘rinli markaziy mehmonxona, qator kichikroq mehmonxonalar, zamonaviy akvapark, sport maydonchalari, madaniyat va ko‘ngilochar markazlar, katta savdo komplekslari hamda barcha qulayliklarga ega aeroport faoliyat yuritmoqda. “KXDRda milliy turizm modeli” deb nomlangan mazkur loyiha, nafaqat ichki, balki xalqaro turistlarni ham jalb etishga qaratilgan.
Kurort mavsumga bog‘liq bo‘lmagan holda, rasman 1 iyuldan mehmonlarni qabul qila boshlaydi. Yana bir e’tiborli jihat: yangi kurort bir vaqtning o‘zida 100 minggacha mehmonga xizmat ko‘rsata oladi. Bu esa mintaqada turizm rivojiga katta turtki bo‘lishi aniq. Shimoliy Koreya uchun bu loyiha sanoat, infratuzilma va xizmat sohalarida yangi bosqichni boshlab berishi kutilmoqda.
Majmuadagi suzish mavsumi odatda iyunning o‘rtalaridan sentyabr oyining o‘rtasigacha davom etadi. Ammo, hududda mavjud turli sport va madaniyat obyektlari tufayli, yil davomida mehmonlar oqimi uzilmasligi kutilayapti. Loyiha to‘liq davlat rahbari nazoratida qurib bitkazilgani, uning mamlakat taraqqiyoti uchun muhim ahamiyatga ega ekanini yana bir bor tasdiqlaydi.
Ekspertlar fikricha, ushbu kurort mamlakat iqtisodiyoti va imidjini yangi bosqichga olib chiqishi, mintaqaviy raqobatda yangi o‘rin egallashi mumkin. Shimoliy Koreyaning ilk turizm “qal’asi” sifatida Vonsan kurorti endi dunyo turistlari e’tiborini torta oladi, deb kutilmoqda. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
