AQSh hukumati arzon import mahsulotlari uchun amal qilib kelgan boj imtiyozini bekor qildi. Endi 800 dollargacha bo‘lgan buyurtmalar ham bojxona tekshiruvidan o‘tadi va boj to‘lanadi. Bu tartib 29-avgustdan kuchga kirgan.
O‘tgan yili AQShga 1,4 milliarddan ortiq posilka bojdan ozod qilingan edi. Mutaxassislarning aytishicha, yangi tartib narxlarning oshishiga va xaridorlar tanlovining kamayishiga olib keladi. Ayniqsa, kichik bizneslar bundan ko‘proq zarar ko‘radi.
Bu imtiyoz asosan Shein va Temu kabi Xitoy internet-do‘konlari tomonidan qo‘llanilgan. Lekin AQSh hukumati bu qoida suiste’mol qilinganini va hatto noqonuniy tovarlarni olib kirishda ishlatilganini ta’kidlamoqda.
Yangi tartib kuchga kirishi bilan ko‘plab xalqaro pochta xizmati AQShga jo‘natmalarni vaqtincha to‘xtatib qo‘ydi. Bu esa xaridorlar uchun kechikishlarga va ayrim mahsulotlar tanqisligiga sabab bo‘lmoqda.
Mutaxassislar fikricha, yaqin vaqt ichida narxlar oshadi. Shuningdek, Xitoy kompaniyalari AQShdagi omborlari orqali savdoni davom ettirishi kutilmoqda.
“Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing
Mavzuga oid yangiliklar
