So‘nggi kunlarda ijtimoiy tarmoqlar va turli ommaviy axborot vositalarida AQSH prezidenti Donald Tramp vafot etgani haqida turli xabar va mish-mishlar tarqaldi. Bu ma’lumotlar jamoatchilik orasida katta qiziqish va savollarga sabab bo‘ldi.
Mazkur da’volarga asos sifatida AQSH vitse-prezidenti Jey Di Vensning kechagi chiqishi keltirilmoqda. U o‘z bayonotida:
— Agar Tramp bilan qandaydir hodisa sodir bo‘lsa, men prezidentlik vakolatlarini o‘z zimmamga olishga tayyorman, — degan.
Shuningdek, Tramp seshanba kunidan beri omma oldida ko‘rinmagani ham noodatiy holat sifatida talqin qilinmoqda.
Ayrim manbalar hatto «Pentagon favqulodda holatlarga javob qaytarishda faol harakat qilayotganidan dalolat beruvchi “pitssa indeksi” yuqori darajada ekani kuzatilmoqda», deya ta’kidlamoqda «Strana».
Eslatib o‘tamiz, avvalroq Oq uy e’lon qilgan tibbiy xulosada Trampda venoz yetishmovchiligi aniqlangani qayd etilgan edi. Bir necha kun muqaddam esa ommaviy axborot vositalari uning qo‘lida ko‘karishlar borligini payqashgan.
Shu bilan birga, hozircha Trampning holatiga oid hech qanday rasmiy izoh berilmadi. Uning vafotiga oid aniq va ishonchli dalillar mavjud emas.
Mutaxassislar ta’kidlashicha, hozirgi vaziyatda rasmiy bayonot chiqmaguncha tarqalayotgan mish-mishlarga ishonmaslik lozim. Jamoatchilik esa Oq uydan rasmiy ma’lumotni kutishda davom etmoqda.
