Oq uy rahbari Donald Tramp Rossiya prezidenti Vladimir Putin hamda Ukraina yetakchisi Vladimir Zelenskiy o‘rtasidagi munosabat haqida fikr bildirib o‘tdi. Uning so‘zlariga ko‘ra, ikki siyosatchi “bir-birini qattiq yomon ko‘radi”, shu bois ularni muzokara stoliga o‘tqazishga to‘g‘ri keladi.
Bu haqda Bloomberg telekanali orqali ma’lum qilindi.
“Bilasizmi, bu ikki inson – Putin va Zelenskiy – bir-birini mutlaqo yoqtirmaydi. Ko‘rinib turibdiki, biz ular bilan birgalikda muzokara stoliga o‘tirishimizga to‘g‘ri keladi”, – dedi Amerika prezidenti Rossiya va Ukraina rahbarlari uchrashuvini izohlar ekan.
Tramp ta’kidlashicha, bunday yuqori darajadagi muloqot Ukrainadagi inqirozni hal qilishda “salmoqli natijalar” berishi mumkin.
Eslatib o‘tamiz, shuningdek, avvalroq Rossiya prezidentining matbuot kotibi Dmitriy Peskov ham pozitsiya bildirgan edi. Unga ko‘ra, Putin va Zelenskiy o‘rtasidagi ehtimoliy muzokaralar jiddiy tayyorgarliksiz amalga oshirilsa, samara bermaydi. Moskva esa bu yo‘nalishda puxta tayyorgarlik ko‘rish zarurligini talab qilmoqda.
Shu tariqa, dunyo siyosiy maydonida yana bir muhim uchrashuv ehtimoli muhokama markaziga aylanmoqda.
“Zamin”ni Telegramʻda oʻqing!
