Issiq iqlim dunyo bo‘ylab tobora katta muammo bo‘lib bormoqda. Shaharlar tezroq qiziydi va bu insonlar salomatligiga jiddiy xavf tug‘diradi. Ko‘plab davlatlar soya yaratish bo‘yicha rejalar ishlab chiqayotgan bo‘lsa, Singapur allaqachon bu borada yetakchilik qilmoqda.
Bu mamlakatda yopiq piyodalar yo‘laklari va daraxtzorlar qadimdan shahar rejasiga kiritilgan. Mustaqillikdan keyingi davrda bosh vazir Li Kuan Yu soyali hududlarni kengaytirish va yashillikni ko‘paytirishni shahar qurilishining asosiy sharti sifatida belgiladi.
Bugungi kunda Singapurda 200 km dan ortiq yopiq yo‘laklar mavjud. Daraxtlar soni esa 40 yilda o‘n baravar ko‘paydi. Bu esa odamlarning salomatligi va hayot sifatiga ijobiy ta’sir ko‘rsatmoqda.
Mutaxassislar fikricha, Singapur tajribasi shuni ko‘rsatadiki, qat’iy reja va davlat qo‘llab-quvvatlovi bo‘lsa, issiq iqlim shaharlarini ham salqin va qulay hududga aylantirish mumkin.
“Zamin”ni Telegramʻda oʻqing!
