Rossiyaliklar uchun noyabr oyi xushxabar bilan boshlanadi — bu oyda ularni bir necha kunlik uzoq ta’til kutayotgani ma’lum qilindi. Bu bayram 4 noyabr — Milliy birdamlik kuni munosabati bilan berilmoqda.
Rasmiy ma’lumotlarga ko‘ra, 2, 3 va 4 noyabr kunlari ishlanmaydi. 1 noyabr, shanba kuni esa qisqartirilgan ish kuni sifatida belgilangan. Bayram seshanba kuniga to‘g‘ri kelgani sababli, dam olish kunlarini ko‘chirish to‘g‘risida qaror qabul qilingan. Shu tariqa rossiyaliklar 2–4 noyabr orasida uch kunlik to‘liq ta’tilga chiqadilar. 5 noyabrdan esa ish hayoti odatiy tartibda davom etadi.
Bundan tashqari, bayramdan so‘ng qisqartirilgan uch kunlik ish haftasi ham kutilayotgani aytiladi. Biroq bu yil oxirigacha, ya’ni 31 dekabrgacha boshqa qo‘shimcha dam olish kunlari rejalashtirilmagan.
“Zamin”ni Telegramʻda oʻqing!
