14 noyabr kuni kechqurun Jammu va Kashmirning Novgama aholi punktidagi politsiya bo‘limida yuz bergan qattiq portlash vaziyatni batamom izdan chiqardi. NDTV ma’lumotiga ko‘ra, fojea sabab 9 kishi halok bo‘ldi, yana 29 nafar odam og‘ir-yengil jarohatlar bilan shifoxonaga yetkazilgan.
Portlash mutaxassislar Haryana shtati Faridobod shahridan keltirilgan musodara qilingan portlovchi moddalarni ko‘zdan kechirayotgan paytda sodir bo‘lgani aytilmoqda. Jarohatlanganlar Hindiston armiyasining 92-bazasi gospitali va Sher-i-Kashmir tibbiyot institutiga joylashtirilgan.
Halok bo‘lganlarning ko‘pchiligi — portlovchi moddalarni o‘rganayotgan politsiya xodimlari va kriminalistika mutaxassislari. Shuningdek, Srinagar ma’muriyatining ikki xizmatkori ham halok bo‘lgani qayd etilgan.
Portlashdan oldin politsiya “Jaysh-e-Muhammad” guruhiga tegishli plakatlarni topgan va tekshiruv chog‘ida ko‘p miqdorda portlovchi moddalarni musodara qilgan edi. Guruhga aloqador bir necha shaxslar qo‘lga olingan.
So‘nggi kunlarda mintaqa uzluksiz to‘lqinlanmoqda — bir necha kun avval Dehlida avtomobil portlashi oqibatida sakkiz kishi halok bo‘ldi, yana 24 kishi jabrlandi. Oradan bir kun o‘tib, Islomoboddagi avtohujumda kamida 12 kishi yo‘qoldi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
