Indoneziyada yashovchi Xoyrul Anam ismli yigit noodatiy qaror bilan ko‘pchilikning e’tiboriga tushdi — u o‘ziga turmush o‘rtoq sifatida oshxona texnikasini, aniqrog‘i guruch pishirgichni tanladi. Ijtimoiy tarmoqlarda tarqalgan suratlar esa bu voqeani butun dunyoga mashhur qilib yubordi.
Xabar berilishicha, kuyov to‘y marosimida “kelin”ni adolatli, itoatkor va bahslashmaydigan juft sifatida ta’riflagan. Uning hazil aralash e’tiroflari marosim davomida mehmonlar tomonidan qiziqish bilan qabul qilingan. Hatto Xoyrul nikoh marosimini rasmiylashtirgani aks etgan suratlarni ham e’lon qilgan.
Ammo “ideal nikoh” uzoqqa cho‘zilmadi. Atigi to‘rt kundan keyin u ajrashish uchun ariza topshirdi. Sababi esa juda oddiy: guruch pishirgich faqat bitta vazifani bajaradi — guruch pishiradi.
Bu g‘aroyib nikoh qisqa umr ko‘rgan bo‘lsa-da, internetda eng ko‘p tarqalgan voqealardan biriga aylandi. Xoyrulning ushbu “tajribasi” esa shubhasiz, odamlar hayotidagi eng noodatiy nikoh misollaridan biri bo‘lib qoldi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
