2026 yil 1 yanvardan boshlab Niderlandiyada yo‘l harakati qoidalarini buzganlik uchun jarimalar o‘rtacha 4 foizga oshiriladi. Eng katta o‘zgarishlardan biri rulda telefon ishlatish bilan bog‘liq bo‘lib, endi maxsus hands-free qurilmasiz telefon ishlatgan haydovchilar 440 yevro jarima to‘lashiga to‘g‘ri keladi.
Tezlikni hatto ozgina oshirish ham haydovchilar uchun jiddiy moliyaviy yo‘qotishlarga olib keladi. Xususan, shaharda tezlikni 5 km/soatga oshirish 46 yevro, avtobanda esa 20 km/soatga oshirish 229 yevro jarima bilan jazolanadi. Qizil chiroqda o‘tish esa kamida 320 yevro jarimaga sabab bo‘ladi.
To‘xtash qoidalarini buzish ham arzon emas. Noto‘g‘ri to‘xtash uchun jarimalar 130 yevrodan boshlanadi, nogironlar uchun ajratilgan joyda noqonuniy to‘xtash esa 400 yevroga tushadi.
Shuningdek, tajovuzkor haydash qat’iy jazolanadi. O‘ng tomondan quvib o‘tish 320 yevro, avtomobillar orasidagi masofani me’yoridan qisqa saqlash esa 380 yevrogacha jarima bilan baholanadi.
Eng muhim jihat — Niderlandiya jarimalaridan qochib qutulib bo‘lmaydi. Ushbu jarimalar chet elda ham undiriladi, to‘lov kechiktirilgan taqdirda esa jarima miqdori qisqa vaqt ichida keskin oshib boradi. Rasmiylar haydovchilarni qoidalarga qat’iy amal qilishga chaqirmoqda.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
