AQSh Prezidenti Donald Tramp 79 yoshida ham salomatligi “mukammal” ekanini aytdi. U ko‘proq aspirin ichishini, qo‘lidagi shish belgilarini yashirish uchun makiyaj ishlatishini va muntazam jismoniy mashq qilmasligini ma’lum qildi.
Tramp oktyabr oyida CT skanerlashdan o‘tganini aytdi. Shifokorlarning so‘zlariga ko‘ra, yurak va qon tomir tizimida muammolar aniqlanmagan.
Prezident oyoqlarda qon aylanishi sustlashishi kasalligiga qarshi maxsus paypoq kiyishni rad qilgan, ammo ish stolidan tez-tez turishi oyoqlaridagi shishni kamaytirgan. Golf uning eng ko‘p shug‘ullanadigan harakati bo‘lib qolmoqda.
Tramp yig‘ilishlarda uxlamaganini aytdi va ba’zan ko‘zini yumsa-da, bu dam olish yoki qisqa tanaffus ekanini tushuntirdi. Shifokor esa uning salomatligi yaxshi ekanini va Prezident vazifalarini bajarishga tayyorligini ma’lum qildi.
“Zamin”ni Telegramʻda oʻqing!
