Daniya va Yevropa mamlakatlari Grenlandiyada kichik harbiy guruhlar jo‘natmoqda. Bu AQSh prezidenti Donald Trampning orolga qiziqishi fonida xavfsizlikni ta’minlash uchun qilinmoqda. Daniya va Grenlandiya vakillari AQSh bilan uchrashuv o‘tkazib, nizoni tez hal qilishga harakat qilmoqda.
Daniya bosh vaziri Mette Frederiksenning aytishicha, Tramp Grenlandiyani egallashni istamoqda. Daniya bu vaziyatning haqiqatga aylanishiga yo‘l qo‘ymaslikka harakat qilmoqda. Tramp orolni strategik va minerallarga boy deb atab, uni Rossiya yoki Xitoydan himoya qilish uchun AQSh nazoratida bo‘lishi kerakligini aytgan.
Germaniya, Fransiya, Shvetsiya va Norvegiya Grenlandiyaga harbiy xodimlar yubormoqda. Daniya mudofaa vazirligi bildirishicha, ittifoqchilar Grenlandiyada mashg‘ulotlarni kuchaytirish imkoniyatlarini o‘rganmoqda. Bu AQShga ikki xabar beradi: birinchisi – orolni himoya qilishga tayyor ekanliklarini ko‘rsatadi, ikkinchisi – Grenlandiya suverenitetini himoya qilishlarini bildiradi.
Grenlandiya bosh vaziri Jens-Frederik Nielsen orol AQSh tomonidan boshqarilmasligini, Daniya va NATO tarkibida qolishini tasdiqladi. Daniya va Grenlandiya vakillari AQSh bilan ishchi guruh tashkil etib, orol xavfsizligini muhokama qilmoqchi. NATO va Yevropa davlatlari Grenlandiya suverenitetini qo‘llab-quvvatlagan.
“Zamin”ni Telegramʻda oʻqing!
