Globe and Mail nashri yozishicha, Kanada armiyasi AQSh tomonidan ehtimoliy bosqin xavfi ssenariylarini modellashtirishga kirishgan. Xabarda turli variantlarda partizanlar urushi usullari ustuvor yo‘nalish sifatida ko‘rilayotgani qayd etiladi.
Manbaga ko‘ra, harbiylar Afg‘onistonda qo‘llanganiga o‘xshash qo‘zg‘olon (isyon) taktikalari bo‘yicha ham tahlillar olib bormoqda. Bunda kichik guruhlar harakati, yashirin qarshilik va hududiy ustunlikdan foydalanish kabi yondashuvlar muhokama qilinadi.
Shuningdek, qo‘mondonlar AQShning ehtimoliy hujumini to‘liq qaytarish uchun qurol-yarog‘ yetarli emasligini tan olgani aytiladi. Shu sababli sabotaj, dronlar yordamida pistirma uyushtirish va nomutanosib kurash usullariga ehtiyoj tug‘ilishi mumkinligi taxmin qilinmoqda.
“Zamin”ni Telegramʻda oʻqing!
