Yangi bahsga sabab bo‘layotgan surat: qulupnay qaysi rangda?

Yaponiyaning Ritsumeykan Universiteti professori Akiyosi Kitaoka tomonidan optik illyuziya yordamida tayyorlagan qulupnay surati ijtimoiy tarmoq foydalanuvchilarida katta qiziqish uyg‘otmoqda, deb yozadi "Qalampir" sayti.

Sababi shundaki, surat bir qaraganda oddiy qulupnay tasvirlangan, lekin ustiga biroz foto effekt qo‘shilgandek tuyiladi. Ammo, qulupnay ko‘ringani kabi qizil rangda emas. Bu haqiqat, qulupnay aslida kulrang nuqtalar yordamida chizilgan.

Agar maxsus dastur yordamida rasmdagi nuqtalarni ajratib ko‘rsangiz, bu suratda haqiqatan qizil bo‘yoq yo‘q ekanligiga ishonch hosil qilasiz.

Bundan avval ham ijtimoiy tarmoq foydalanuvchilari bir ko‘ylakning rangini muhokama etishgan edi. “Zamin”ni Telegramʻda oʻqing!