Ilhom Aliyev Myunxen xavfsizlik konferensiyasi doirasida jurnalistlar bilan suhbatda Kiyevdagi Ozarbayjon elchixonasi uch marta hujumga uchraganini aytdi. Unga Rossiyaning Ukrainani o‘qqa tutishi, shu jumladan Ozarbayjon kompaniyalariga tegishli energetika obyektlari ham zarbalarga duch kelgani haqida savol berilgan, ammo prezident bu qismga aniq javob qaytarmagani qayd etilgan.
Aliyevning so‘zlariga ko‘ra, birinchi hujumdan keyin buni “tasodif” deb o‘ylash mumkin edi, shuning uchun Bok-u Rossiya tomoniga Ukraindagi diplomatik obyektlarining aniq koordinatalarini ham yetkazgan. Shunga qaramay, yana ikki marta zarba qayd etilgani sabab, u bunday holatni Ozarbayjon diplomatik vakolatxonasiga qasddan qilingan hujum deb baholagan.
Bu voqealar fonida Ukrainada diplomatik obyektlar xavfsizligi yanada dolzarblashyapti: masalan, 2025-yil noyabrida Kiyevdagi Ozarbayjon elchixonasi hududiga zarar yetgani bo‘yicha ham Bok-u Vladimir Putin boshqarayotgan Moskvaga rasmiy norozilik bildirgani xabar qilingan. Hozir esa Aliyevning “uch marta” degan ta’kidi masalani yana qattiqroq siyosiy tusga olib chiqdi.
“Zamin”ni Telegramʻda oʻqing!
