Eron: Minabdagi maktab hodisasida ayblangan uchuvchi halok bo‘ldi

Eron tomoni Minabdagi maktab bombardimonida ayblanayotgan amerikalik uchuvchi halok bo‘lganini ma’lum qildi.

Eron manbalari — Fars va Tasnim tarqatgan xabarlarga ko‘ra, AQSH Havo kuchlari uchuvchisi Teylor Jeger o‘ldirilgan.

Tehron talqiniga muvofiq, u 27 mart kuni Er-Riyod yaqinida joylashgan Al-Xarj aviabazasiga berilgan zarba vaqtida halok bo‘lgan.

Hozircha ushbu holat yuzasidan AQSH tomonidan rasmiy tasdiq yoki rad javobi berilmagani aytilmoqda.

Kuzatuvchilarning fikricha, bu kabi xabarlar mintaqadagi harbiy-siyosiy vaziyatni yanada keskinlashtirishi va axborot maydonida qarama-qarshi da’volar kuchayishiga olib kelishi mumkin.