AQSH prezidenti Donald Tramp jurnalistlar bilan samolyot bortida bo‘lib o‘tgan muloqot chog‘ida Hormuz bo‘g‘ozi haqida keskin bayonot berdi.
Uning ta’kidlashicha, AQSH ushbu strategik ahamiyatga ega bo‘lgan Hormuz bo‘g‘ozini juda qisqa vaqt — atigi ikki daqiqa ichida yopish imkoniyatiga ega.
“Biz uni ikki daqiqada yopishimiz mumkin. Shunchalik tez yopamizki, hatto boshingiz aylanib ketadi”, — deya ta’kidladi Tramp.
Ma’lum qilinishicha, u bu fikrni Eron tomoni bo‘g‘oz orqali o‘tuvchi kemalar uchun to‘lov joriy etishni rejalashtirayotgani haqidagi xabarlar fonida bildirgan.
Shuningdek, AQSH rahbari Eron bilan kelishuvga erishish ehtimoli saqlanib qolayotganini ham qayd etdi. Uning so‘zlariga ko‘ra, bunday kelishuv yaqin vaqt ichida amalga oshishi mumkin.
Kuzatuvchilar fikricha, mazkur bayonot mintaqadagi geosiyosiy vaziyatga ta’sir ko‘rsatishi va xalqaro munosabatlarda yangi bahslarga sabab bo‘lishi mumkin.
“Zamin”ni Telegramʻda oʻqing!
