Avstriyada birgina ari samolyot parvozini bekor qildi
Avstriyaning Insbruk aeroportida bitta ari sababli "Austrian Airlines" reysi bekor qilindi. Samolyot uchishga tayyorgarlik ko'rayotganida, tezlikni o'lchovchi datchiklar noto'g'ri ma'lumot bergani aniqlangan. Xavfsizlik yuzasidan 107 nafar yo'lovchi evakuatsiya qilingan. Texnik tekshiruv natijasida qurilma ichiga kichik ari kirib qolgani ma'lum bo'ldi.
Avstriyada kutilmagan va noodatiy holat sababli samolyot reysi amalga oshirilmadi. Insbruk aeroportida Venaga uchishi kerak bo‘lgan Austrian Airlines samolyoti bitta ari tufayli parvozni bekor qilishga majbur bo‘ldi.
Ma’lumotlarga ko‘ra, layner uchishga tayyorlanayotgan paytda samolyot 150 km/soat tezlikka yetgan. Shu vaqtda uchuvchilar tezlikni o‘lchovchi datchiklar turlicha ko‘rsatkich berayotganini payqashgan.
Samolyotda 107 nafar yo‘lovchi bor edi va xavfsizlikni ta’minlash maqsadida reys zudlik bilan to‘xtatilgan hamda yo‘lovchilar evakuatsiya qilingan.
Texnik tekshiruv natijasida nosozlik sababi aniqlangan: havo oqimini o‘lchaydigan muhim qurilma ichiga kichik ari kirib qolgan.
Aynan shu qurilma samolyot tezligini aniqlashda asosiy rol o‘ynaydi. Ari kirib qolishi natijasida u noto‘g‘ri ma’lumot berib, parvoz xavfsizligiga tahdid yuzaga keltirgan.
Izohlar 0
…