Stokgolm terakti ijrochisi gumoni ostida qo‘lga olingan O‘zbekiston fuqarosi ismi ma’lum qilindi

Stokgolmda 7 aprel kuni sodir etilgan teraktda gumonlanib, qo‘lga olingan O‘zbekiston fuqarosi Rahmat Oqilov ekanligi ma’lum qilindi. Bu haqda Shvesiyaning Expressen nashriga tayangan holda, «Gazeta.ru»ga tayanib "Daryo.uz" xabar bermoqda.
Ma’lum qilinishicha, Rahmat Oqilov 2014 yil noyabr oyida Shvesiyada yashashga ruxsat beruvchi hujjat uchun ariza topshirgan. 2016 yil iyun oyida unga rad javobi berilgan.

Shundan so‘ng deportasiya bo‘lishdan qochgan Oqilov qidiruvga berilgan.

Expressen nashri Oqilov IShID guruhiga ham befarq bo‘lmaganini qayd etdi. Bundan tashqari, u portlovchi moddalarni ishlata olgan.

Polisiya xodimlari tergovni jiddiy davom ettirish davomida terakt Akilov tomonidan sodir etilganini borgan sari ko‘p dalil isbotlayotganini ma’lum qildi.

Avvalroq Stokgolmdagi teraktga daxldor deb gumonlangan shaxs O‘zbekiston fuqarosi ekanligi Shvesiya polisiyasi tomonidan tasdiqlangan edi.

IShID ekstremistik guruhi jahonning bir qator mamlakatlari va xalqaro tashkilotlar tomonidan «terrorchilik tashkiloti» deb topilgan. “Zamin” yangiliklarini “Odnoklassniki”da kuzatib boring