Eron rasmiylari Qo‘shma Shtatlar bilan mojaroni siyosiy yo‘l bilan hal qilish bo‘yicha muzokaralarni qayta tiklash uchun bir qator shartlarni ilgari surdi. Bu haqda Fars axborot agentligi xabar tarqatdi.
Ma’lumotlarga ko‘ra, Tehron tomonidan qo‘yilgan talablar bir nechta asosiy masalani o‘z ichiga oladi. Ular orasida Livandagi urushni to‘xtatish, Eronga qarshi joriy etilgan sanksiyalarni bekor qilish va muzlatilgan Eron aktivlarini ozod qilish kabi shartlar bor.
Shuningdek, Eron urush natijasida yetkazilgan zararni qoplash hamda Hurmuz bo‘g‘ozi ustidan o‘z suverenitetini tan olishni ham talab qilmoqda. Manbaga ko‘ra, bu shartlar muzokaralarga qaytish uchun minimal ishonch muhitini yaratish maqsadida ilgari surilgan.
Xabarda aytilishicha, Eron Pokiston orqali yetkazilgan xabarda sulhdan keyin ham Arab dengizi va Ummon ko‘rfazida dengiz blokadasi saqlanib qolsa, bu Vashington bilan munosabatlarda ishonchsizlikni yanada kuchaytirishini bildirgan.
“Zamin”ni Telegramʻda oʻqing!
