Sayyohlarga qimiz nimaligini tushuntirishga harakat qilgan bolakay samimiyligi bilan tarmoqni zabt etdi (video)

Qirg‘izistonda qimiz sotayotgan bolakayning videosi ijtimoiy tarmoqlarda keng tarqaldi. U chet ellik sayyohlarga milliy ichimlikni tanishtirish uchun turli tillarda gapirishga urinadi, tushuntirish qiyinlashganda esa ishoralardan foydalanadi.

Kadrlarda bolakay qimizni mehmonlarga sodda va samimiy tarzda ta’riflayotgani ko‘rinadi. U ba’zan so‘zlarni aralashtirib yuboradi, lekin mahsulotni tushuntirishdan to‘xtamaydi. Sayyohlar esa uning harakatlarini qiziqish va tabassum bilan kuzatadi.

Bolakayning tirishqoqligi natija berib, u qimizni sotishga ham muvaffaq bo‘lgan. Shu kichik savdo jarayoni tarmoq foydalanuvchilari orasida katta qiziqish uyg‘otdi.