Vetnamda chumolilar sayyohning ko‘ylagini “talon-toroj” qildi!

Vetnamda rossiyalik sayyohning oddiy ko‘ylagi kutilmaganda chumolilar “hujumi”ga uchradi. Kechasi quritish uchun qoldirilgan kiyim ertalab hasharotlarning g‘alati ishiga guvoh bo‘ldi.

Videoda chumolilar ko‘ylakdagi tugmalardan birini butunlay uzib olib ketayotgani ko‘rinadi. Qolgan tugmalar esa hasharotlar tomonidan kemirilayotganini ko‘rish mumkin.

“Ularda ko‘ylak ham yo‘q, tugma nimaga kerak?” — mazmunidagi hazilomuz izohlar voqeaga yanada qiziq tus berdi. Kiyimni quritish uchun qoldirgan sayyoh ertalab kutilmagan manzaraga duch kelgan. Chumolilar ko‘ylakning matosidan ko‘ra aynan tugmalariga qiziqish bildirgani videodagi eng e’tiborli jihat bo‘lgan.

Ijtimoiy tarmoqlarda tarqalgan lavha foydalanuvchilar orasida kulgili munozaralarga sabab bo‘ldi. Ayrimlar chumolilarning “o‘ljasi” aynan nima uchun tugmalar bo‘lganini hazil bilan muhokama qilgan.